Суздаль медалищ къраш

Владимир областым хыхьэ Суздаль къалэм щекIуэкIащ УФ-м алыдж урым-бэнэкIэмкIэ пашэныгъэр къыщыхьыным хуэунэтIа зэхьэзэхуэ. Абы хэтащ къэралым и щIыналъэхэм ящыщу 57-м я спортсмен 1500-м щIигъу, я ныбжькIэ илъэс 18-м щIимыгъуауэ.

Къэбэрдей-Балъкъэрым и бэнакIуэхэм ящыщу я хьэлъагъхэм елъытауэ зыхэта гупхэм Емуз Темырлан (кг 80), Атэлыкъ Темыркъан (кг 71-рэ), Хъуран Астемыр (кг 92-рэ) сымэ домбеякъ медалхэр къахьащ.

Ди щIалэхэр зэхьэзэхуэм хуагъэхьэзыращ Абазэ Тимофей, Мэкъуауэ Малик, Гугъуэтыж Мухьэмэд, КIэмыргуей Ибрэхьим, Нэчо Сэфарбий сымэ.