Къэбэрдей-Балъкъэр Республикэм и Iэтащхьэм и Указ

22 марта, 2025 - 07:00
2025 гъэм и гъатхэм цIыхухэр дзэ къулыкъум гъэкIуэныр къызэгъэпэщынымкIэ лэжьыпхъэхэм я IуэхукIэ
 
«Дзэ къулыкъур ехьэкIынымкIэ къалэнымрэ дзэ къулыкъумрэ я IуэхукIэ» Федеральнэ законым ипкъ иткIэ 1995 - 2007 гъэхэм ­къалъхуахэу зи ныбжьыр илъэс 30 иримыкъуахэр икIи запасым щымыIэхэр 2025 гъэм и гъатхэм дзэ къулыкъум гъэкIуэныр къызэгъэпэщын мурадкIэ унафэ сощI:
1. Мы Указым щIыгъухэу къэщтэн:
Къэбэрдей-Балъкъэр Республикэм цIыхухэр дзэм зыгъакIуэ и комиссэм хэтхэр; 
Къэбэрдей-Балъкъэр Республикэм и муниципальнэ щIы­налъэхэмрэ къалэ округхэмрэ цIыхухэр дзэм зыгъакIуэ я комиссэхэм хэтхэр;
дзэм къулыкъу щащIэн папщIэ 2025 гъэм и гъатхэм ираджэн хуей цIыхухэм я узыншагъэр къэзыпщытэ, абыхэм ящыщу сымаджэхэр щагъэхъуж медицинэ IуэхущIапIэхэр. 
2. Къэбэрдей-Балъкъэр Республикэм и муниципальнэ ­щIы­налъэхэмрэ къалэ округхэмрэ я щIыпIэ самоуправле­нэм ­ и органхэм чэнджэщ етын, Къэбэрдей-Балъкъэр Республикэм и дзэ комиссариатым, Къэбэрдей-Балъкъэр Республикэм и гъэзэщIакIуэ властым и органхэм ящIыгъуу 2025 гъэм и гъатхэм цIыхухэр дзэ къулыкъум гъэкIуэныр ягъэува пIалъэхэм къриубыдэу къызэрагъэпэщыну.
3. Къэрал кIуэцI IуэхухэмкIэ министерствэу Къэбэрдей-­Балъкъэр Республикэм щыIэм, Урысей Федерацэм Къэрал кIуэцI IуэхухэмкIэ и министерствэм транспортымкIэ и Налшык щIыналъэ къудамэм чэнджэщ етын дзэм кIуэну цIыхухэр щызэ­хуашэс, республикэм и гъущI гъуэгу станцхэу, авто­вокзалхэу командэхэр щрагъажьэ махуэхэм дзэ къулыкъум ягъэкIуэнухэр щызэхуашэсхэм жылагъуэ хабзэр ягъэзэщIэ­ныр къызэрагъэпэщыну.
4. Къэбэрдей-Балъкъэр Республикэм Бжыгъэхэр зи лъабжьэ зыужьыныгъэмкIэ, связымрэ цIыхубэ зэпыщIэныгъэ­хэмкIэ и министерствэм хуэгъэувын цIыхухэр дзэ къулыкъум зэ­рагъакIуэ щIыкIэр цIыхубэ хъыбарегъащIэ IуэхущIапIэхэм къыщыгъэлъэгъуэныр къызэригъэпэщыну. 
5. Мы Указым къару егъуэт абы Iэ щыщIэздза махуэм щегъэжьауэ.
 
Къэбэрдей-Балъкъэр Республикэм и Iэтащхьэ КIУЭКIУЭ Казбек
Налшык къалэ
2025 гъэм гъатхэпэм и 19-м
№22-УГ
  • 7 просмотров
Поделиться: