Ахъшэ пагъэкIуэфынущ

22 марта, 2025 - 07:01

КъБР-м и Правительствэм и УнафэщI Мусуков Алий иригъэкIуэкIащ республикэм дежкIэ мыхьэнэ зиIэ Iуэхугъуэхэр щызэпкъраха, унафэ щхьэхуэхэм къыщытеувыIа зэIущIэ. 

КъБР-м къат куэду зэтет унэхэм я зэдай мылъкур зехьэнымкIэ 2024 - 2049 гъэхэм тещIыхьауэ ягъэбелджылауэ щыта къэрал программэм, апхуэдэуи «Иджырей теплъэ зиIэ къалэ» къэрал программэм зэхъуэкIыныгъэхэр хэлъхьэным и IуэхукIэ» Правительствэм и проектхэм тепсэлъыхьащ КъБР-м ухуэныгъэмрэ псэупIэ-коммунальнэ хозяйствэмкIэ и министрым и къалэнхэр зыгъэзащIэ Журавлёв Андрей.
КъБР-м бжыгъэхэр зи лъабжьэ зыужьыныгъэмкIэ, связымрэ цIыхубэ коммуникацэхэмкIэ и министерствэм и коллегием хэтынухэр щыгъэбелджыла проектыр къигъэнэIуащ абы и министр Бозий Аскэр.
Мэзым ехьэлIауэ щыIэ къэрал программэхэр КъБР-м щыгъэзэщIэным къытеувыIащ КъБР-м щIыуэпс хъугъуэфIыгъуэхэмрэ экологиемкIэ и министр Шаваев Ильяс.
УФ-м и музей фондым кIэлъыплъынымкIэ щIыналъэ программэм зэхъуэкIыныгъэ зэрыхалъхьэнур жиIащ КъБР-м щэнхабзэмкIэ и министр Къумахуэ Мухьэдин.
Япэу къаIэта Iуэхущ зи узыншагъэр мыщIагъуэ сабийуэ егъэджакIуэхэм унэм щрагъаджэхэр махуэм пщIэншэу тIэу гъэшхэныр къызэрызэгъэпэщыпхъэр. Абы теухуауэ къэпсэлъащ КъБР-м егъэджэныгъэмрэ щIэныгъэмкIэ и министр Езауэ Анзор. Министрым къыхигъэщащ сабийхэм папщIэ ягъэхьэзырын хуей шхыным пэкIуэу ахъшэ иратын Iэмалри зэрыщыIэр. Абы теухуа проектыр           игъэхьэзыращ КъБР-м и Правительствэм.

ГЪУЭТ Синэ. 

  • 27 просмотров
Поделиться: