БэджэндыпщIэ мылъку

Къэбэрдей-Балъкъэрым и мылъкум щыщ ухуэныгъэхэр бэджэнду зэратам къыпэкIуэу республикэм и бюджетым сом мелуан 33,8-рэ хэхъуэу иIащ нэгъабэ. Апхуэдэу щыхъукIи, 2024 гъэм къалэну зэхуагъэувэжауэ щытар сом мелуан 27,5-рэт - иджы а бжыгъэхэм проценти 123-кIэ щIрагъэгъуащ. 
КъБР-м ЩIымрэ мылъку зэхущытыкIэхэмрэ и министерствэм 2024 гъэм иригъэкIуэкIа лэжьыгъэхэм къарикIуахэр щызэщIакъуэж зэIущIэм ар щыжиIащ а IэнатIэм и унафэщIым и къуэдзэ Уянаев Таймураз.
Зэбгъапщэу щытмэ, 2023 гъэм республикэм и мылъкум щыщу бэджэнду ята ухуэныгъэхэм псори зэхэту къыпэкIуар сом мелуан 28,2-рэщ. АтIэ а бжыгъэр сом мелуани 5,5-кIэ нэхъыбэ ящIащ нэгъабэ е проценти I20-кIэ илъэс кIуам яхузэфIэкIам хуэкIуэу. 
КъБР-м ЩIымрэ мылъку зэхущытыкIэхэмрэ и министерствэм бэджэнду ита къэрал ухуэныгъэхэм ехьэлIауэ зэгурыIуэныгъи 121-рэ лажьэу нобэкIэ щыIэщ, ахэр псори зэхэту метр зэбгъузэнатIэ 10339,9-рэ мэхъу.