Уней псэупIэхэрщ нэхъыбэр

4 апреля, 2025 - 11:40

2025 гъэм и щIышылэм Къэбэрдей-Балъкъэрым и ухуэныгъэ IэнатIэм щрагъэкIуэкIа лэжьыгъэм и куэдагъым фIыуэ хэхъуащ икIи сом мелуан 863,8-рэ и уасэ зэфIагъэкIащ. Нэгъабэ и апхуэдэ пIалъэм щыIа бжыгъэхэм нэхърэ процент 26-кIэ нэхъыбэщ ар. Апхуэдэу щыхъукIи, хэхъуэ нэхъыбэ къэзыгъэлъэгъуар унейуэ псэупIэ зыщIхэрщ.
«Ухуэныгъэ IэнатIэм мыхьэнэ ин щеубыд ди щIыналъэм. Инвестицэ ахъшэу абы къыхашэм къыдэкIуэу, ди хэхъуэм и куэдагъри нэхъыбэ мэхъу. Ухуэныгъэм пыщIауэ лажьэ адрей IэнатIэхэми (хьэрычэт щIэн Iуэхухэри хэту) заужь, инфраструктурэ шынагъуэншэхэри зэрагъэпэщ.
20I9 гъэм щегъэжьауэ республикэм щаухуащ псэупIэу псори зэхэту метр зэбгъузэнатIэ мелуан 3,1-рэ. «ПсэупIэ» щIыналъэ пэхуэщIэм ипкъ иткIэ 2025 гъэм мурад щыIэщ псэупIэу псори зэхэту метр зэбгъузэнатIэ мин 570-рэ яухуэну, 2030 гъэм нэсыху ар метр зэбгъузэнатIэ мин 76I-м нэдгъэсыну ди плъапIэщ», - жиIащ КъБР-м ухуэныгъэмрэ псэупIэ-коммунальнэ хозяйствэмкIэ и министрым и къалэнхэр пIалъэкIэ зыгъэзащIэ Журавлев Андрей. 

ХЬЭЩЫКЪУЕЙ Олег.
  • 59 просмотров
Поделиться: