ЩIыналъэхэм я зэIу­зэпэщыныгъэр

ЗэIущIэм и гугъу щащIащ Урысейм и Президентым и унафэм ипкъ иткIэ дзэм къу­лыкъу щызыщIэнухэр щраджэ гъатхэ лъэхъэнэм зэрызыхуа­гъэхьэзырынум.
Iуэхугъуэ нэхъыщхьэу къагъэ­лъэгъуахэм ящыщщ лъэпкъ проектхэмрэ къэрал программэхэмрэ зэрагъэзащIэр. Абы и лъэныкъуэкIэ иджыпсту щIыналъэхэм «ФIы псори - сабийхэм», «ЕгъэджакIуэхэмрэ унэ­тIакIуэхэмрэ», «Коммунальнэ ухуэныгъэхэр къэгъэщIэрэ­щIэжын», «Къалэм псэукIэ зэпэщ къыщызэгъэпэщын», «Унагъуэ лъапIэныгъэхэмрэ щэн­хабзэ IуэхущIапIэхэмрэ», «Унагъуэм дэIэпыкъун», «Псэу­пIэ», «Урысейр Iэмалхэм я къэралщ» лъэпкъ проекты­щIэхэр зэрагъэзэщIэнум теухуа зэгурыIуэныгъэхэм Iэ традзэну ягъэхьэзыр.
«Шэч къытесхьэркъым экономикэ зэпIэзэрытым и шэсы­пIэу щыт бюджет хэхъуэхэмкIэ адэкIи зыужьыныгъэхэр дызэ­риIэнум, - жиIащ КIуэкIуэ Казбек. - Мы илъэсым и япэ мазищым республикэ бюджетым езым иIэ хэхъуэр нэгъабэ и апхуэдэ лъэхъэнэм елъытауэ проценти 123-рэ хъуащ, нэгъуэ­щIу жыпIэмэ сом мелуан 930-кIэ нэхъыбэщ. ЩIыпIэ бюджетхэм я хэхъуэр проценти 121-рэ мэхъу е нэгъабэ и апхуэдэ лъэхъэнэм елъытауэ сом мелуан 300-кIэ нэхъыбэщ».
Апхуэдэу зэIущIэм щытеп­сэлъыхьащ щIыналъэхэр зэIу­зэпэщ щIынымкIэ, гъэкъэб­-зэ­нымкIэ республикэм щра­гъэ­кIуэкIыну лэжьыгъэхэм. Те­кIуэ­ныгъэм и махуэр гъэ­­лъэ­­пIэным зэрызыхуагъэ­хьэ­зырым теухуа­уэ къапэщыт ­къалэн нэхъы­щхьэхэм ар ящыщ зыщ.