Iуэхутхьэбзэ миних

Хьэрычэт Iуэху

«Хьэрычэт IэнатIэ мащIэмрэ курытымрэ» лъэпкъ пэхуэщIэм ипкъ иткIэ «Си хьэрычэт IэнатIэ» центрым республикэм и хьэрычэтыщIэхэм Iуэхутхьэбзэ зэхуэмыдэу 6000 яхуищIащ илъэс блэкIам. 
Псалъэм къыдэкIуэу, центрыр нэгъабэ ядэIэпыкъуащ хьэрычэт мащIэмрэ курытымрэ я IэнатIэ 3226-м, я щхьэ хуэлэжьэж цIыху 719-м, хьэрычэт щIэн Iуэхум къыхыхьэн мурад зиIэ физлицо 1356-м. 
ХуащIа Iуэхутхьэбзэхэм ящыщщ бизнесыр зэтегъэувэным ехьэлIа, пщIэ зыщIамыт чэнджэщхэр, хъыбарегъащIэ-методикэ дэIэпыкъуныгъэхэр, хьэрычэтыщIэхэм папщIэ – егъэджэныгъэм пыщIахэр. Зи IэнатIэм зезыгъэужьыну, зезыгъэубгъуну жэрдэм зыщIахэм мылъкукIэ, ахъшэкIэ зэщIагъэкъуащ. 
«Хьэрычэт IэнатIэ мащIэмрэ курытымрэ хэтхэм хьэрычэт щIэн жэрдэмыр ядэIыгъын» лъэпкъ пэхуэщIэм ипкъ иткIэ абыхэм ахъшэу хухахам и куэдагъыр псори зэхэту сом мелуан 80,9-рэ хъуащ нэгъабэ.