Щапхъэ зытрахщ Мухьэмэд

Мы махуэхэм и ныбжьыр илъэс 65-рэ ирокъу Къэбэрдей-Балъкъэр Республикэм и прокуратурэм и ветеран Къармэ Мухьэмэд Машэ и къуэр. АбыкIэ йохъуэхъу  ­къулыкъур зыдрихьэкIахэр, нобэ ла­жьэ­хэр. 

Къармэ Мухьэмэд 1960 гъэм мэлыжьыхьым и 14-м Къэбэрдей-Балъкъэрым и Бахъсэн райо­ным хыхьэ Куба ­къуажэм къы­щалъ­хуащ.
СССР-м и МВД-м Волгоград дэт и следственнэ школ нэхъыщхьэр 1984 гъэм къиухри, Прохладнэ ГРОВД-м лэжьэн щыщIидзащ, адэкIэ ди республикэм и МВД-м следова­тель къалэныр щрихьэкIащ. 1992 гъэм ар ягъэуващ Налшык ­къалэм и прокуратурэм и следователь нэхъыжьу. 
Куэд дэмыкIыу Мухьэмэд и къулыкъукIэ яIэтри, республикэм и прокуратурэм мыхьэ­нэш­хуэ зиIэ Iуэхухэр зэхэгъэ­кIынымкIэ и къудамэм ягъэ­кIуащ. 1994 гъэм Прохладнэ район прокуратурэм и уна­фэщIым и къуэдзэу ягъэуври, илъэси 10-м нэблагъэкIэ а ­къулыкъум пэрытащ. 
АдэкIэ ар лэжьащ Прохладнэ районым и прокурору, Налшык къалэм и прокурорым и къуэдзэу. Абы къратащ Урысей Федерацэм и Прокурор нэхъыщхьэм и щIыхь тхылъыр, ведомствэ медалхэр, нэ­гъуэщI гулъытэхэр къыхуа­щIащ, СССР-м, КъБАССР-м къэрал кIуэцI IуэхухэмкIэ я министрхэм къабгъэдэкIхэри хыхьэу. Ар юстицэм и чэнджэщэгъу нэхъыжьщ, прокуратурэм и пенсионерщ. 
Къармэ Мухьэмэд Къэбэрдей-Балъкъэрым и прокуратурэм и Ветеранхэм (пенсионерхэм) я советым хэтщи, жылагъуэ Iуэхухэми хуэ­жы­джэрщ, и лэжьыгъэ и пIалъэ­кIэ щIалэгъуалэм ядогуа­шэ, ахэр хуегъасэ Урысей Федерацэм и прокурорым ищIэн, хэлъын хуейхэм. Къэрал-хэкупсэ гъэсэныгъэ лэжьыгъэм жыджэру зэрыхэтым папщIэ абы къратащ Къэбэрдей-­Балъкъэр Республикэм и Парламентым и УнафэщIым и ФIы­щIэ тхылъыр.
Зи махуэшхуэр зыгъэлъапIэ Къармэ Мухьэмэд дэри до­хъуэхъу узыншэу, и мурадхэм ялъэ­Iэсу, щIэблэм я гъуэгугъэ­лъагъуэу куэдрэ псэуну.