ЗэгурыIуэныгъэ щхьэпэ

КъБР-м Курортхэмрэ туриз­мэмкIэ и министерствэмрэ республикэм и Сату-промышленнэ па­латэмрэ щIыналъэм промыш­леннэ туризмэм зыщегъэу­жьы­ным хуэунэтIа зэгурыIуэныгъэ зэращIылIащ. 

ЛъэныкъуитIым япэу ячыну лъэбакъуэхэм хохьэ республикэм и хьэщIэхэмрэ щыпсэухэмрэ щхьэ­­кIэ щIыналъэм и промыш­ленность IэнатIэм ущызыгъэгъуа­зэ турист лъагъуэхэр къызэгъэ­пэщыныр. Апхуэдэ Iуэху бгъэ-­        ды­хьэкIэм мыхьэнэ иIэщ Къ­э- ­­бэр­дей-Балъкъэрым и про­­­мыш­ленностым и зэфIэкIхэр хэIущIыIу щIынымкIэ, продукцэхэр пхы­гъэкIынымкIэ, цIыху нэхъыбэ щIыналъэм къешэлIэнымкIэ. 
Республикэм и туризм IэнатIэм зегъэужьыным хуэунэтIа зэгу­рыIуэныгъэм Iэ щIадзащ КъБР-м курортхэмрэ тризмэмкIэ и министрым и къалэнхэр пIалъэ­кIэ зыгъэзащIэ ЩоджэнцIыкIу Му­ратрэ КъБР-м и Сату-про­мышленнэ палатэм и унафэщI ГъукIэлI Хьэсэнрэ.
ЛъэныкъуитIыр зэдэлэжьэнущ республикэм и курортхэм, узыншагъэм щыкIэлъагъэплъ, псы хущхъуэхэр къыщыщIэж щIыпIэхэм зегъэужьынымкIэ, туризм IэнатIэм, санаторэ-рекреацэ унэтIы­ныгъэм пыщIа IуэхущIапIэхэм, хьэрычэтыщIэхэм я жэрдэмхэр ядэIыгъынымкIэ, Къэбэрдей-­Балъкъэрым и туризм IэнатIэм и зэфIэкIхэр ди къэралми, хамэ щIыпIэхэми хэIущIыIу щы­щIы­нымкIэ, цIыху нэхъыбэ щIыналъэм къешэлIэнымкIэ, нэгъуэщI Iуэху куэдкIи. 
ГъукIэлI Хьэсэн жиIащ туризм IэнатIэм щылажьэ хьэрычэ­ты­щIэхэм иджырей зэгурыIуэныгъэм и фIыгъэкIэ зыужьыныгъэфI ягъуэтыну, абыхэм я бжыгъэми къыхэхъуэну зэрыщыгугъыр.