Къыхэшэнущ къэрал 80-м щыщхэр

«Урысей зэкъуэт» политикэ партым къызэригъэпэщ «Те­кIуэныгъэм и Iуэрытхыр» (диктантыр) мы гъэм мэ­лыжьыхьым и 25-м иригъэ­кIуэкIынущ.

Партым и гъэзэщIакIуэ комитет нэхъыщхьэм и унафэщI Сидякин Александр зэрыжиIэм-  кIэ, абы къызэщIрагъэубыдэнущ къэ­рал 80-м нэс (щIыпIэ мин 20-м щIигъум щрагъэтхынущ).
Iуэрытхыр курыт школхэм, кол­леджхэм, еджапIэ нэхъыщ­хьэ­хэм, нэгъуэщI IуэхущIапIэхэми къыщызэрагъэпэщынущ. «Мы Iуэ­хум цIыхухэр хуиту къекIуэ­лIэфын хуэдэу, щIыпIэ нэхъыбэ хуэдгъэхьэзырын хуейщ. Ар онлайн жыпхъэм тетуи екIуэкIынущ. Iуэрытхым къыхыхьэ къэ­ралхэм я бжыгъэри нэхъыбэ ­хъуащ. Нэгъабэ абы 65-рэ хэтамэ, иджы 80-м далъэIэсыну ди мурадщ. А бжыгъэм мыхьэ­нэшхуэ иIэщ, мы гъэм ТекIуэ­ныгъэ Иныр къызэрытхьрэ илъэс 80 зэрырикъур къэплъытэмэ. Дыщогугъ апхуэдиз къэрал мы Iуэхум къыхэтшэну», - жеIэ Сидякиным. 
УФ-м ЩIэныгъэмрэ егъэ­джэ­ныгъэ нэхъыщхьэмкIэ и министерствэм Iуэрытхыр университетхэмрэ абыхэм хамэ къэралхэм щаIэ я къудамэхэмрэ къыщы­зэ­ригъэпэщынущ. Иджы япэу мы Iуэхум къыхыхьэнущ «Хэкум и ­хъумакIуэхэр» фондыр - абы  щIыналъэхэм щиIэ къудамэхэми ­диктантыр щатхынущ.  
2024 гъэм тхыдэмкIэ тестыр бзийкIэ - инджылыз, франджы, испан, поляк, серб, монгол, китай, алыдж - зэрадзэкIауэ щытащ. Онлайн жыпхъэри инджы­лызыбзэмрэ китаибзэмрэ тету ящIащ. Мы Iуэхум диктантпобеды.рф сайтым деж зыщы­бгъэгъуэзэфынущ .