Сом мелард 80-м нэблагъэ

23 апреля, 2025 - 16:20

Инвестицэхэр

2024 гъэм Къэбэрдей-Балъкъэрым и капитал нэхъыщхьэм инвестицэ ахъшэу къыхалъхьам и куэдагъым фIыуэ хэхъуащ икIи абы ипэ ита илъэсым нэхърэ проценти 10,4-кIэ нэхъыбэщ ар. ЖыпIэнурамэ, мылъку къэзыт IэнатIэ псоми зэхэту сом мелард 80-м нэблагъэ щIыналъэм кърашэлIащ.
Къэбэрдей-Балъкъэрым и Iэтащхьэ КIуэкIуэ Казбек и Telegram-каналым зэрыщитхамкIэ, псэупIэ ухуэныгъэм, мэкъумэш-промышленнэ комплексым, туризм IэнатIэм, промышленностым, энергетикэм пыщIауэ щIыналъэм щагъэзащIэ инвестицэ пэхуэщIэ инхэм республикэ властыр холIыфIыхь гъуэгумрэ коммунальнэ инфраструктурэмрэ пыщIа IуэхугъуэхэмкIэ.
А псом къадэкIуэу республикэм и капитал нэхъыщхьэм инвестицэу къыхалъхьэм и куэдагъыр илъэс къэс нэхъыбэ зэрыхъур и щыхьэтщ щIыналъэм щыIэ инвестицэ щытыкIэр зэрефIакIуэ зэпытым. 
 

 

ХЬЭЩЫКЪУЕЙ Олег.
  • 31 просмотр
Поделиться: