ХадэхэкIым йогугъу

Къэбэрдей-Балъкъэрым и щIыналъэ администрацэхэм мэкъумэш-промышленнэ комплексымкIэ я управленэхэм зэрытрау­хуамкIэ, 2025 гъэм республикэм хадэхэкI ­нэхъыбэ щащIэнущ илъэс блэкIахэм елъытауэ. Мы илъэсым абыхэм ирагъэубыдынущ гектар мин 17,1-рэ, 2024 гъэм щыIа бжыгъэхэм проценти 106,8-кIэ хуэкIуэу.

Хабзэ зэрыхъуауэ, гектар мини 7-м илъэс къэс кIэртIоф щыхасэ, мы гъэми а бжыгъэхэм къытенэжынущ. 
КъБР-м мэкъумэш хозяйствэмкIэ и министр Сыжажэ Хьэсэн ипэIуэкIэ зэрыжиIамкIэ, гъатхасэм гектар мин 216,5-рэ ирагъэубыдынущ  мы гъэм, ауэ, нэгъаби хуэдэу, псори зэхэту гъавэ зытращIэ щIыр гектар 281,8-м къытенэжы­нущ. 
Апхуэдэуи, ипэIуэкIэ хъыбар зэрыщыIамкIэ, гуэдзымрэ джэш хъуреймрэ зэхэту гектар мин 213,4-м тращIэнущ икIи ар проценти 3,6-кIэ нэхъыбэщ нэгъабэ нэхърэ.