Къэбэрдей-Балъкъэр Республикэм Экономикэ зыужьыныгъэмкIэ и министерствэм теухуа Положенэм зэхъуэкIыныгъэхэр хэлъхьэным и IуэхукIэ
Къэбэрдей- Балъкъэр Республикэм и Правительствэм и Унафэ
2025 гъэм накъыгъэм и 22-м Налшык къалэ №72-ПП
Къэбэрдей-Балъкъэр Республикэм и Правительствэм унафэ ещI:
Къэбэрдей-Балъкъэр Республикэм Экономикэ зыужьыныгъэмкIэ и министерствэм теухуа Положенэу Къэбэрдей-Балъкъэр Республикэм и Правительствэм 2022 гъэм мэлыжьыхьым и 29-м къыдигъэкIа унафэ №96-ПП-мкIэ къащтам мыпхуэдэ зэхъуэкIыныгъэхэр хэлъхьэн:
1. Текстым зэрыхэтым елъытауэ зыхуэфащэ падежхэм иту «къэрал властым и гъэзэщIакIуэ органхэм» псалъэхэр зыхуэфащэ падежхэм иту «гъэзэщIакIуэ властым и органхэм» псалъэхэмкIэ щызэхъуэкIын.
2. 1-нэ пунктым «инвестицэ программэм),» псалъэхэм яужькIэ щIыгъужын «креатив» (творческэ) индустриехэр» псалъэхэр.
3. Етхуанэ абзацым иужькIэ 2-нэ пунктым щIыгъужын мыпхуэдэу тха абзац:
«креатив» (творческэ) индустриехэм я IэнатIэм;».
4. 6-нэ пунктым щIыгъужын мыпхуэдэу тха 16-1-нэ пункт къуэдзэр:
«16-1) креатив (творческэ) индустриехэм я IэнатIэм:
креатив (творческэ) индустриехэм зегъэужьыным и IэнатIэм пщалъэхэмрэ хабзэхэмрэ щызэрегъакIуэ;
креатив (творческэ) индустриехэр зэрыдаIыгъ Iэмалхэр къагъэсэбэпыным ехьэлIа IуэхухэмкIэ Къэбэрдей-Балъкъэр Республикэм и гъэзэщIакIуэ властым и органхэмрэ щIыпIэ самоуправленэм и органхэмрэ методикэ и лъэныкъуэкIэ защIегъакъуэ;
Къэбэрдей-Балъкъэр Республикэм и Правительствэм креатив (творческэ) индустриехэм папщIэ игъэува пщалъэхэм цIыхухэр, IуэхущIапIэхэм, щхьэзакъуэ хьэрычэтыщIэхэр зэрезэгъыр еубзыху;
«Урысей Федерацэм креатив (творческэ) индустриехэм зыщегъэужьыным и IуэхукIэ» Федеральнэ законым тету зэхалъхьа креатив кластерым щIыналъэхэм яхуигъэув пщалъэхэм щIыналъэр зэрезэгъыр еубзыху;
Къэбэрдей-Балъкъэр Республикэм креатив индустриехэр щыдэIыгъынымкIэ щыIэ инфраструктурэм теухуа хъыбархэр креатив экономикэм и IэнатIэм къэрал политикэмрэ пщалъэ-хабзэ щытыкIэмрэ щызэхэлъхьэным теухуа къалэнхэр зэфIигъэкIыну гъэзэщIакIуэ властым и федеральнэ органым пщэрылъ зыщищIа уполномоченнэм Iэрегъэхьэ;
Къэбэрдей-Балъкъэр Республикэм креатив индустриехэр щыдэIыгъынымкIэ щыIэ инфраструктурэм теухуа хъыбархэр Къэбэрдей-Балъкъэр Республикэм и Правительствэм «Интернет» информацэ-коммуникацэ сетым щыхухаха официальнэ сайтым егъакIуэ;
креатив (творческэ) индустриехэм зегъэужьыным и IэнатIэм лэжьыгъэр щызэтреухуэ икIи хъыбарегъащIэ-методикэ Iыхьэр къыщызэрегъэпэщ;
креатив (творческэ) индустриехэм ящыщхэу Къэбэрдей-Балъкъэр Республикэм щылажьэхэм я реестрыр зэтреухуэ икIи ирегъэкIуэкI;
Къэбэрдей-Балъкъэр Республикэм креатив (творческэ) индустриехэм зэрызыщызаужьым и псынщIагъыр зыхуэдэр къепщытэ;
Къэбэрдей-Балъкъэр Республикэм и Правительствэм креатив (творческэ) индустриехэм я IэнатIэм щиIэ полномочиехэр пхагъэкIыныр къызэрегъэпэщ;
Урысей Федерацэм и законодательствэмрэ Къэбэрдей-Балъкъэр Республикэм и законодательствэмрэ креатив (творческэ) индустриехэм я IэнатIэм Урысей Федерацэм и щIыналъэхэм я гъэзэщIакIуэ властым и органхэм, Къэбэрдей-Балъкъэр Республикэм и гъэзэщIакIуэ властым и органхэм щыхуагъэува полномочиехэм хагъэхьа нэгъуэщI полномочиехэр, «Къэбэрдей-Балъкъэр Республикэм креатив (творческэ) индустриехэм зыщегъэужьыным и IуэхукIэ» Къэбэрдей-Балъкъэр Республикэм и Законым и1-нэ статьям къыщыгъэлъэгъуахэр яхэмыту, пхегъэкI;».
Къэбэрдей-Балъкъэр Республикэм и Правительствэм и УнафэщI Мусуков Алий.
