КъБР-м и Iэтащхьэ КIуэкIуэ Казбек республикэм и цIыхухэм Урысыбзэм и махуэмкIэ зэрехъуэхъур

ПщIэ зыхуэсщI ныбжьэгъухэ! Урысей Федерацэм илъэс къэс мэкъуауэгъуэм и 6-м щагъэлъапIэ Пушкиным и махуэмрэ Урысыбзэм и махуэмрэ. Ди усакIуэ щэджащэ Пушкин Александр Сергей и къуэращ нобэ цIыху мелуан 250-м щIигъу зэрыпсалъэ иджырей урысыбзэм и лъабжьэр зыгъэтIылъар. 

Ди къэралым и Президент Путин Владимир иджыблагъэ иригъэкIуэкIа, Урысыбзэмрэ Урысейм щыпсэу лъэпкъхэм я бзэхэмрэ зегъэужьынымкIэ Къэрал советым и зэIущIэм зэрыщыжиIамкIэ, мыхьэнэшхуэ иIэщ урысыбзэр егъэджыным и фIагъым хэгъэхъуэным. Шэч хэмылъу, ар шэсыпIэ мэхъу ди цIыхухэм урысыбзэмкIэ ябгъэдэлъ щIэныгъэр нэхъри къэIэтынымкIэ, псэкупсэ лъапIэныгъэхэр адэкIи гъэбыдэнымкIэ, нэхъыщхьэжыращи, урысейпсо щэнхабзэ щIэныгъэр нэхъ лъэщ щIынымкIэ. 
 Урысыбзэр – ар ди Хэку иным щыпсэу лъэпкъхэр зэрыгушхуэ, псоми я зэхуэдэ хъугъуэфIыгъуэщ, зэкъуэтыныгъэмрэ зыужьыныгъэмрэ я бзэщ, Урысей щэнхабзэм и лъапIэныгъэхэр дуней псом къахузэIузыхщ. Урысыбзэр, лъэпкъхэм я анэдэлъхубзэхэр джынымрэ ахэр хъумэнымрэ къэралыгъуэр гъэбыдэнымкIэ, щэнхабзэ щIэныгъэм хэгъэхъуэнымкIэ, хабзэхэмрэ тхыдэмрэ яхуэсакъынымкIэ иджырей жылагъуэм къыпэщылъ къалэн нэхъыщхьэхэм ящыщщ. 
Сигуми си псэми къабгъэдэкIыу сынывохъуэхъу махуэщI дахэмкIэ – Урысыбзэм и махуэшхуэмкIэ!