УнэтIыныгъэ нэхъыщхьэхэр ягъэбелджылы

КъБР-м и Правительствэм и УнафэщI Мусуков Алий иригъэкIуэкIа зэIущIэм щы­тепсэлъыхьащ республикэм и Iуэ­ху­­хэр къэзыгъэлъагъуэ унэтIыныгъэ зыбжанэм.

Ахэр теухуат щIыналъэм туризмым теу­хуауэ щыIэ къэрал кIэ­лъып­лъы­ны­гъэм; къат куэду зэтет унэ­хэм щып­сэу­хэм зэдай мылъкур зыхуей хуэгъэ­зэ­ным 2026-2028 гъэхэм халъ­хьэну ахъ­шэр зыхуэдизынум КъБР-м Мэкъу­мэш хо­зяйст­вэмкIэ и минис­терст­вэм и гъэп­сыкIэр зыхуэдэнум; Правительс­т­вэм и унафэ щхьэ­хуэ­хэм халъхьэну зэ­хъуэ­кIы­ныгъэхэм нэ­гъуэщI­хэми. 
КъБР-м Мэкъумэш хозяйствэмкIэ и министр Сыжажэ Хьэсэн тепсэлъыхьащ республикэм и щIыналъэхэм щIы Iуэхум щыкIэлъыплъынымкIэ штаб къызэгъэ­пэщыным.
«Къэбэрдей-Балъкъэр Республикэм егъэджэныгъэм зыщегъэужьын» къэрал программэм халъхьэну зэхъуэкIыныгъэхэм къытеувыIащ КъБР-м Егъэджэ­ныгъэмрэ щIэныгъэмкIэ и министр Езауэ Анзор. Министрым и гугъу ищIащ 2025 гъэмрэ къэблэгъэну 2026-2027-гъ. гъ. егъэджэныгъэр къызэгъэпэщыным трагъэкIуэдэну мылъкум.
КъБР-м и щэнхабзэ щIэинхэр хъумэ­нымкIэ къэрал управленэм и унафэщI Гонтарь Олег тепсэлъыхьащ республикэм и щэнхабзэ щIэинхэр зехьэным, зыхуей хуэгъэзэным, къэгъэсэбэпыным, зегъэужьыным теухуауэ щыIэ къэрал щIыналъэ кIэлъыплъыныгъэм и мардэм зэхъуэкIыныгъэу хилъхьэм теухуауэ ­КъБР-м и Правительствэм и проектым.