ЧэнджэщкIэ зыщIагъакъуэ

Урысей ФСИН-м и управленэу ­КъБР-м щыIэм щекIуэкIащ «бжэ зэIухам и махуэ». Дзэ Iуэху хэхам хэтхэмрэ абыхэм я унагъуэхэм щыщхэмрэ ­папщIэ зэIущIэхэр къызэрагъэпэщащ. 

Я хуитыныгъэхэр зыхуэдэр щыгурагъаIуэ дэIэпыкъуныгъэ урысейпсо тхьэмахуэм ипкъ иткIэ екIуэкIа акцэм ­хэтащ ветеранхэм я «Зауэжь зэ­къуэ­шыныгъэ» IуэхущIапIэм и щIыналъэ   къудамэм и унафэщI, КъБР-м и Жы­лагъуэ палатэм хэт Абэнокъуэ Владимир. Ар епсэлъащ хьэщIэхэмрэ пе­нитенциар  IэнатIэм и лэжьакIуэхэмрэ. 
СВО-м и ветеранхэм пщIэншэу чэнджэщ къратащ я хуитыныгъэхэм теу­хуауэ, психологие и лъэныкъуэкIи еп­сэлъылIащ. Абыхэм папщIэ къызэрагъэпэщащ дэтхэнэми ехьэлIа терапие икIи диагностикэ картэ хэхахэр къагъэсэбэпурэ, УФСИН-м и лэжьакIуэхэр ядэIэпыкъуащ щытыкIэ гугъур къы­зэ­ра­нэкIынымкIэ. 
Дзэ Iуэху хэхам хэтахэр республикэм и уголовнэ-гъэзэщIакIуэ IэнатIэм къулыкъу зэрыщащIэфынум яхутепсэлъы-хьащ лэжьакIуэ къащтэнухэр къызэ­хых­хэр. 
«Бжэ зэIухам» и кIэухыу къызэхуэсахэм зыщ­рагъэплъыхьащ КъБР-м щыIэ ­УФСИН-м и музейм.   
БАХЪСЭН  Азэмэт.