КъыщIагъэкIым и куэдагъым хохъуэ

2025 гъэм и япэ мазихым къриубыдэу Къэбэрдей-Балъкъэрым и промышленнэ индексыр проценти 108,0-рэ хъуащ. Экономикэ унэтIыныгъэхэмкIэ зэпэщхьэхуэу къэбгъэлъагъуэмэ, щIыуэпс хъугъуэфIыгъуэхэр къыщIэхынымкIэ – проценти 102,8-рэ, продукцэхэр къыщIэзыгъэкIхэм, абыхэм елэжь IэнатIэхэм – проценти 112,9-рэ, электрокъарукIэ, газкIэ, хуабэкIэ къызэзыгъэпэщ, хьэуар зыгъэкъабзэ IэнатIэхэм - процент 88,7-рэ, псы яхуэзыутIыпщхэм, къагъэсэбэпар Iузышхэм, кIэрыхубжьэрыхухэр зэщIэзыкъуэхэм, уэрамхэр, пщIантIэхэр зэлъыIузыххэм - проценти 115,9-рэ мэхъу.

Къапщытэж пIалъэм къриубыдэу къыщIагъэкIа лым, гъэшым, тхъуцIынэм, кхъуейм, кхъуейлъалъэм, Iусыпхъэм, псыIэфIым, тепIэн-щIэлъыным, щыгъыным, щэкIхэкIым, вакъэм, кислородым, пластмассэм, абы къыхэщIыкIа ашыкхэм, коробкэхэм, бжэ-щхьэгъубжэхэм, унэлъащIэхэм кIэралъхьэ цIыкIуфэкIухэм, бетоным, гъущIым къыхэщIыкIа продукцэм, полупроводник Iэмэпсымэхэм, автотранспортым и пкъыгъуэхэм я куэдагъым хэхъуащ.

Апхуэдэу щыхъукIи, нэкулъ лIэужьыгъуэхэм, дагъэ щIэхуам, маргариным, шхум, шатэм, йогуртым, хьэжыгъэм, пыченэм, нарзаныпсым, пыIэ лIэужьыгъуэхэм, лъэпэдым, картоным къыхэщIыкIа ашыкым, канцтовархэм, асфальт-бетон зэхэщIам, зэрылажьэ Iэмэп сымэхэм, рентген аппаратхэм, кабелым, унэлъащIэм, медицинэ хуэIухуэщIэхэм я куэдагъым кIэрыхуащ. Электрокъарурэ хуабэу къалэжьари нэхъ мащIэ хъуащ а пIалъэм къриубыдэу.