Зыхуеям теIэбакъым

ФIы зигу имылъым мурад бзаджэ щищIам деж, ар нэхъыбэм зыхуиунэтIыр зи къалэн зыщIэжу псэу цIыхухэрщ.  
Краснодар крайм хиубыдэ Козэт къуажэм дэт мэжджытым зыгуэрым кхъуащхьэ щIидзащ. Мэжджытым щIэт видеом еплъыжа нэужь, ар цIыхухъу балигъыу зэрыщытыр, ищIар телефонымкIэ зэрытрихыжар къалъэгъуащ. 
ЕтIуанэ махуэм Адыгеймрэ Краснодар краймрэ я муслъымэн IуэхущIапIэм и лэжьакIуэхэр утыку къихьащ, къэхъуам гулъытэшхуэ ирамытыным цIыхухэр къыхураджэу. «Муслъымэнхэр дыкъызэщIагъэстын, динрэ лъэпкъкIэ зэтемыхуэхэр зыр адрейм дыпэщIагъэувэн папщIэ ящIа Iуэхугъуэщ ар. Адыгейм ис цIыхубэ мамырым ахэр ди зэхуаку къыщIыдэдгъэхьэн щыIэкъым». 
ЩIэпхъаджащIэр къагъуэтыным ихьар зы махуэ закъуэщ. Дин IуэхущIапIэм зэбгритыкIа хъыбарыр и тегъэщIапIэу, фокIадэм и 15-м «Коммерсант» газетым къытрадзащ ар къызэрыщIагъэщар, хабзэм зэрырашэлIам теухуа тхыгъэ. Урысей гвардиер я дэIэпыкъуэгъуу, 1982 гъэм къалъхуа, Краснодар крайм щыщ хабзэхъумэхэм бзаджащIэр къаубыдри, ягъэтIысащ. Дин лэжьакIуэхэм абыхэм фIыщIэ хуащIащ, жылагъуэ гъащIэр къэутхъуэным намыгъэсу, ар псынщIэу къызэрагъуэтам папщIэ. Иджыпсту щIэпхъаджащIэм унафэ къыхуэзыщIар, Iуэхур къызэрыхъуа щIыкIэр зэхагъэкI.