И текIуэныгъэм дыпоплъэ

29 октября, 2025 - 08:45

Къэбэрдей-Балъкъэрым щиухащ «ЦIыхубэ участковэ-2025» урысейпсо зэпеуэм и щIыналъэ Iыхьэр. КъБР-м щыIэ МВД-м и сайтым наIуэ щыхъуащ Къэбэрдей-Балъкъэрым къыбгъэдэкIыу ещанэ кIэух Iыхьэм хэтынур.

ЩIыналъэ IэIэтым кърикIуахэмкIэ «Къэбэрдей-Балъкъэр Республикэм и цIыхубэ участковэ нэхъыфI» хъуащ Урысей МВД-м Аруан районым щиIэ къудамэм полицэм и участковэ-уполномоченнэ, полицэм и капитан Аргъэщокъуэ Ренат.

ЕтIуанэ увыпIэр лъысащ полицэм и капитан Сэбаншы Тимур (Урысей МВД-м и Бахъсэн къудамэ), Урысей МВД-м и Налшык управленэм и ОП №2-м полицэм и участковэ уполномоченнэ, полицэм и лейтенант нэхъыжь Джэду Залым ещанэщ.

Фигу къэдгъэкIыжынщи, Iуэхум и етIуанэ Iыхьэр екIуэкIащ 2025 гъэм жэпуэгъуэм и 7 - 16-хэм. Республикэм и щIыхьыр зэпеуэм и кIэух Iыхьэм щыIэтыным хэтыным хущIэкъуащ полицэм и участковэ уполномоченнэу 13.

Зэпеуэм и кIэух IэIэтыр зэхэтынущ 2025 гъэм щэкIуэгъуэм и 1 - 10-хэм.

БАХЪСЭН Азэмэт.
  • 22 просмотра
Поделиться: