Бекъул Миланэ и зэфIэкIыр

Иужьрей илъэсхэм Къэбэрдей-Балъкъэрым тхэквондомкIэ (ВТФ, Олимп джэгу­хэм хы­хьэ лIэужьыгъуэмкIэ) и спорт­сменхэм урысейпсо, дунейпсо утыкушхуэхэм ехъулIэны­гъэфI­хэр къы­ща­гъэлъагъуэ зэпытщ. Абы и щы­хьэтщ Китай жыжьэм и Уси къалэм ­къикIыу иджы­благъэ къытIэрыхьа хъыбар ­гуапэри. Мы махуэхэм абы щекIуэкIа дунейпсо чемпионатым и дыжьын медалыр, ди республикэм щыяпэу, ­къихьащ Кэнжэ къуажэм дэт «Пять колец» спорт акаде­мием и гъэсэн Бекъул Миланэ.

УФ-м и командэ къыхэхам хэту чем­пионатым зэIущIитху щригъэкIуэкIат адыгэ пщащэми, плIым щытекIуащ. Ки­лограмм 46-рэ зи хьэлъагъхэм я деж ­щызауэ Миланэ финалым нэсын ­папщIэ и гъуэгум щытригъэкIуэтащ Корее Ип­щэм, Таиландым, Мароккэм, Китайм я спортсмен лъэщхэр, ауэ, ди жагъуэ зэ­рыхъущи, кIэух зэхьэзэхуэм ар щы­пэ­лъэщакъым европей чемпионатым и дыжьын медалыр къэ­зыхьа, Тыркум икIа Гёге­бакан Эмине. И Iэзагъэм и мыза­къуэу, ар икIи фIыуэ нэхъ щхьэпэлъагэт ди хъыджэбзым нэхърэ. 
Фигу къэдгъэкIыжынщи, Бе­къул Миланэ Урысей Феде­рацэм щэнейрэ и чемпион ­хъуащ, дунейпсо, европей, урысейпсо зэ­хьэзэхуэхэм мы­зэ-мытIэу щыте­кIуащ, УФ-м ду­нейпсо клас­сым­кIэ спортым и мастерщ, ­УФ-м щIыхь зиIэ и тренер Ахъмэт Амир и гъэ­сэнщ.