Ди бэнакIуэхэр нэхъ лъэщщ

Тюмень къалэм и «Тюмень-дзюдо» спорт комплексым иджы­благъэ щекIуэкIащ Урысей Федерацэм дзюдомкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ ди ­къэ­ралым и щIыналъэхэм ящыщу 76-м я спортсмен 787-рэ, я ­ныбжькIэ илъэс 18-м щIимыгъуауэ. 

Къэбэрдей-Балъкъэрым и бэнакIуэхэм зэхьэзэхуэм зэфIэкIыфI­-хэр къыщагъэлъэгъуащ икIи медаль зэхуэмыдэу 5 къыщахьащ. Я хьэлъагъ елъытауэ зыхэта гупхэм япэ увыпIэхэр щаубыдащ Джэданэ Амырхъан (кг 46-рэ), Унэж Темырлан (кг 55-рэ), Хъуран Къантемыр (кг 66-рэ) сымэ. Бийболэт Даниял (кг 81-рэ) дыжьын медалым деж къыщыувыIащ, Щад Дилианэ (кг 70) домбеякъыр къихьащ.
ЩIалэхэм я зэпеуэм медаль бжыгъэхэмкIэ Къэбэрдей-Балъкъэрым и бэнакIуэхэм етIуанэ увыпIэр къахьащ, Мэзкуу областым щыщхэм яужькIэ, ещанэр Краснодар крайм икIахэрщ.
Ди командэр зэхьэзэхуэм хуагъэхьэзыращ Дзу Беслъэн, Джэда­нэ Залым, Ким Руслан сымэ.