НОБЭ

ЩэкIуэгъуэм и 15, щэбэт

Гъуэгум къыщыхъу автомобиль зэжьэхэуэхэм хэкIуэдахэр ягу къыщагъэкIыж дунейпсо махуэщ

Дзэм къулыкъу щищIэну ираджэм и урысейпсо махуэщ

Урысейм зэщIэгъэуIуауэ щалэжь щIэпхъаджагъэхэм ебэныным хуэгъэпса IэнатIэр къыщызэрагъэпэща махуэщ

1937 гъэм къалъхуащ «Адыгэ псалъэ» газетым и корректору илъэс 40-м щIигъукIэ хьэлэлу лэжьа, республикэм и дамыгъэ лъапIэхэр зрата Сокъур Тамарэ.

1949 гъэм къалъхуащ КъБР-м и цIыхубэ егъэджакIуэ ДыщэкI Марие.

1951 гъэм къалъхуащ экономикэ щIэныгъэхэмкIэ доктор, профессор, ЩIДАА-м и академик, Москва дэт финанс университетым и ректору щыта Есчындар Мухьэдин.

1957 гъэм къалъхуащ публицист, «Адыгэ псалъэ» газетым и унафэщI-редактор, КъБР-м щIыхь зиIэ и журналист Ширдий Маринэ.

1973 гъэм къалъхуащ АР-м щIыхь зиIэ и артисткэ Къудей ФатIимэ.

Дунейм и щытыкIэнур

«pogoda.yandex.ru» сайтым зэритымкIэ, республикэм уфауэ щыщытынущ.  Хуабэр махуэм   градуси 10 - 11, жэщым градуси 8 щыхъунущ.

Лъэпкъ Iущыгъэ:

Псы къэмыжэм псыхьэлыгъуэ хыумыш.

Зыгъэхьэзырар ЩхьэщэмыщI Изэщ.