Къэбэрдей-Балъкъэр Республикэм и Правительствэм и Унафэ

15 ноября, 2025 - 08:18

Къэбэрдей-Балъкъэр Республикэм ныкъуэдыкъуэхэм социальнэ IэнатIэ щаIэным и IуэхукIэ

2025 гъэм щэкIуэгъуэм и 1-м  Налшык къалэ

№184-ПП

«Урысей Федерацэм ныкъуэдыкъуэхэм социальнэ и лъэныкъуэкIэ къащыщхьэщыжыным и IуэхукIэ» Федеральнэ закон №181-ФЗ-м, 1995 гъэм щэкIуэгъуэм и 24-м къащтам, и 20  статьям ипкъ иткIэ, Урысей Федерацэм Лэжьыгъэмрэ  цIыхухэм социальнэ и лъэныкъуэкIэ къащхьэщыжынымкIэ и министерствэм ныкъуэдыкъуэхэм социальнэ IэнатIэ яIэныр къызэрызэрагъэпэщ щIыкIэм теухуауэ къыдигъэкIа приказ №605н-р, 2023 гъэм бадзэуэгъуэм и 28-м къащтар, къэлъытауэ, Къэбэрдей-Балъкъэр Республикэм и Правительствэм унафэ ещI:

1. Къэщтэн мы унафэм щIыгъухэу:

Къэбэрдей-Балъкъэр Республикэм ныкъуэдыкъуэхэм социальнэ IэнатIэ къызэрыщыхузэрагъэпэщ щIыкIэр;

Къэбэрдей-Балъкъэр Республикэм и гъэзэщIакIуэ властым и органхэм хыхьэ къулыкъущIапIэхэу ныкъуэдыкъуэхэм социальнэ IэнатIэ яIэным пыщIахэм я пщэ къыдэхуэхэр зэрагъэзащIэмрэ ныкъуэдыкъуэхэм социальнэ IэнатIэ яIэныр зи пщэ дэлъ нэгъуэщI IуэхущIапIэхэмрэ зэрызэдэлэжьэнум теухуа регламентыр.

2. Мы унафэр зэрагъэзащIэм кIэлъыплъыну и пщэ илъхьэн  Къэбэрдей-Балъкъэр Республикэм и Правительствэм и УнафэщIым и къуэдзэ Хъубий М. Б.

 

Къэбэрдей-Балъкъэр Республикэм

и Правительствэм и УнафэщI   МУСУКОВ Алий

  • 26 просмотров
Поделиться: