НОБЭ

5 декабря, 2025 - 12:30
Дыгъэгъазэм и 5, мэрем
ЩIыгулъым и дунейпсо махуэщ 
Урысейм и Дзэ щIыхьым и махуэщ
1936 гъэм СССР-м и етIуанэ Конституцэр къащтащ. Ар тхыдэм хыхьащ «Сталиным и Конституцэ» цIэр иIэу.
1936 гъэм КъБАО-р КъБАССР хъуащ.
1942 гъэм Къэбэрдей-Балъкъэрым и партизанхэр Лэскэн Езанэм щыIэ нэмыцэ быдапIэм теуащ, хэщIыныгъэшхуи иратащ.
1916 гъэм къалъхуащ КъШР-м щыщ, Совет Союзым и ЛIыхъужь Къуныжь Зэмахъшэрий.
1927 гъэм къалъхуащ тхыдэ щIэныгъэхэмкIэ доктор, КъБКъУ-м и профессор, ЩIДАА-м и академик, УФ-ми КъБР-ми щIэныгъэхэмкIэ щIыхь зиIэ я лэжьакIуэ Къумыкъу Тыгъуэн.
1938 гъэм къалъхуащ физико-математикэ щIэныгъэхэмкIэ доктор, ЩIДАА-м, РАЕН-м я академик, УФ-м, КъБР-м, КъШР-м, АР-м щIэныгъэхэмкIэ щIыхь зиIэ я лэжьакIуэ Нэхущ Iэдэм.
1960 гъэм къалъхуащ «Адыгэ псалъэ» газетым и редактор нэхъыщхьэ, республикэм и Журналистхэм я зэгухьэныгъэм и унафэщI, КъБР-м щIыхь зиIэ и журналист Жыласэ Заурбэч.
1992 гъэм къалъхуащ уэрэджыIакIуэ, АР-м, КъБР-м, КъШР-м щIыхь зиIэ я артист Быщтэ Азэмэт.
 
Дунейм и щытыкIэнур
«pogoda.yandex.ru» сайтым зэритымкIэ, республикэм уфауэ щыщытынущ.  Хуабэр махуэм   градуси 5 - 7, жэщым градус 1 - 2 щыхъунущ. ЩIым и малъхъэдис щытыкIэм балли 4-кIэ зихъуэжынущ.
Лъэпкъ Iущыгъэ:
НитIрэ пэт зэхуэдэкъым.
Зыгъэхьэзырар ЩхьэщэмыщI Изэщ.
  • 8 просмотров
Поделиться:

Читать также:

19.01.2026 - 11:27 → НОБЭ
18.01.2026 - 12:33 → Ди щIыпIэцIэхэр
16.01.2026 - 11:26 → НОБЭ
15.01.2026 - 08:16 → НОБЭ
13.01.2026 - 09:00 → НОБЭ