НОБЭ

Дыгъэгъазэм и 10,  бэрэжьей

ЦIыхум и хуитыныгъэхэм я дунейпсо махуэщ

Футболым и дунейпсо махуэщ

Урысей МВД-м связымкIэ и къулыкъур къыщызэрагъэпэща махуэщ

1935 гъэм къалъхуащ филологие щIэныгъэхэмкIэ доктор, АР-м щIэныгъэмкIэ щIыхь зиIэ и лэжьакIуэ Гъыш Нухь.

1936 гъэм къалъхуащ физико-математикэ щIэныгъэхэмкIэ доктор, КъБКъУ-м и профессор, ЩIДАА-м и академик Лафыщ Мухьэмэд.

1938 гъэм къалъхуащ дирижёр цIэрыIуэ, СССР-м и цIыхубэ артист, СССР-м и Къэрал саугъэтым тIэунейрэ и лауреат Темыркъан Юрэ.

1938 гъэм къалъхуащ медицинэ щIэныгъэхэмкIэ доктор, КъБКъУ-м и профессор Былымгъуэт Борис.

1939 гъэм къалъхуащ уэрэдус, КъБР-м гъуазджэхэмкIэ щIыхь зиIэ и лэжьакIуэ Согуэ Данил.

1970 гъэм къалъхуащ самбэ бэнэкIэмкIэ дунейм пщыкIузрэ и чемпион хъуа Хьэсанэ Мурат.

Дунейм и щытыкIэнур

«pogoda.yandex.ru» сайтым зэритымкIэ, республикэм уфауэ щыщытынущ.  Хуабэр    махуэм градуси 6 - 8, жэщым  градуси 3 - 4 щыхъунущ. ЩIым и малъхъэдис щытыкIэм балли 5-кIэ зихъуэжынущ.

Лъэпкъ Iущыгъэ:

Пщэдджыжь хьэщIэ гъэхьэщIэгъуафIэщ.

Зыгъэхьэзырар ЩхьэщэмыщI Изэщ.