Нэхъыбэр Шэрэдж щIыналъэм ейщ

26 декабря, 2025 - 10:09
Дызэрыт илъэсым и щIышылэм - щэкIуэгъуэм къриубыдэу Къэбэрдей-Балъкъэрым и мэкъумэш IуэхущIапIэхэм мэлылрэ бжэнылу (псэууэ шэчауэ) къыщалэжьащ тонн мини 2,1-м нэблагъэ. Нэгъабэ и апхуэдэ пIалъэм щыIа бжыгъэхэм нэхърэ процент 30-м щIигъукIэ нэхъыбэщ ар. 
Республикэм и щIыналъэхэм ящыщу а бжыгъэхэм нэхъыбэу хэлIыфIыхьар Шэрэдж районырщ. Къапщытэж пIалъэм къриубыдэу абы и Iэщыхъуэхэм яхузэфIэкIащ мэлылрэ бжэнылу тонн мин 1,2-рэ къалъэщыну. ЕтIуанэ увыпIэр Бахъсэн щIыналъэм иубыдащ, тонн мин 0,67-рэ иIэу.
Къэдгъэлъагъуэмэ, дызэрыт илъэсым и мазэ 11-м къриубыдэу, республикэм лырэ джэдкъазылу (псэууэ шэчауэ) псори зэхэту тонн мин 45,8-рэ къыщалэжьащ, къитащ иджыблагъэ КъБР-м Мэкъумэш хозяйствэмкIэ и министерствэм.
ХЬЭЩЫКЪУЕЙ Олег.
  • 21 просмотр
Поделиться: