НОБЭ

ЩIышылэм и 15, махуэку

Урысей Федерацэм СледствиемкIэ и комитетыр къыщызэрагъэпэща махуэщ

 Википедием - ИнтернеткIэ къагъэсэбэп щIэнгъуазэм - лэжьэн щыщIидза махуэщ (2001 гъэм)

1890 гъэм къалъхуащ адыгей усакIуэ, композитор, IуэрыIуатэдж Къубэ Шэбан.

 1906 гъэм къалъхуащ 115-нэ Къэбэрдей-Балъкъэр шуудзэм и комиссару щыта, Лениным и цIэр зезыхьэ, Вагъуэ Плъыжь орденхэр зыхуагъэфэща Хьэтыкъуей Iэбубэчыр.

1912 гъэм къалъхуащ къэрал политикэ лэжьакIуэ, КъБАССР-м и Министрхэм я Советым и УнафэщIу 1957 - 1969 гъэхэм щыта Ахъуэхъу Аслъэнбий.

1932 гъэм къалъхуащ пшынауэ Iэзэ, Къэбэрдей-Балъкъэрым щIыхь зиIэ и артисткэ БырмамытI Гуащэкъарэ.

1936 гъэм къалъхуащ КъШР-м щэнхабзэмкIэ щIыхь зиIэ и лэжьакIуэ, тхакIуэ, IуэрыIуатэдж, жылагъуэ лэжьакIуэ Шэрджэс Алий.

1962 гъэм къалъхуащ дин лэжьакIуэ, Кавказ Ищхъэрэм ис муслъымэнхэм и зэзыгъэIу центрым и унафэщIхэм ящыщ, дунейпсо ислъам зэщIэхъееныгъэм и президент ПщыхьэщIэ Шафихь.

1965 гъэм къалъхуащ «Адыгэ псалъэ» газетым и корректор, «Голос Чегема» газетым жэуап зыхь и секретарь Щоджэн Иннэ.

Дунейм и щытыкIэнур

«pogoda.yandex.ru» сайтым зэритымкIэ, республикэм уэфIу  щыщытынущ. Хуабэр махуэм зы градус, жэщым щIыIэр  градуси 6 - 8 щыхъунущ.

Лъэпкъ Iущыгъэ:

Iуэхутхьэбзэр щIыхуэщ.

Зыгъэхьэзырар ЩХЬЭЩЭМЫЩI Изэщ.