Сабийхэр ягъэгуфIэ

16 января, 2026 - 09:55

Звёзднэ поселкэм щыIэ Урысей гвардием и дзэ частым къулы­къур щезыхьэкIхэр щыIащ республикэм и Сабий унэм. Абыхэм сабий зеиншэхэмрэ адэ-анэм я нэIэм щIэмытхэмрэ хуашащ илъэсыщIэ саугъэтхэмрэ япэу зыхуеину хьэпшыпхэмрэ икIи насыпрэ фIыгъуэрэ яIэну ехъуэхъуащ.

«Мыпхуэдэ зэIущIэхэр дэ сэбэп къытхуохъу - сабийхэр дгъэгуфIэным и мызакъуэу, абыхэм ящыщ дэтхэнэми гулъытэ зэрыхуэщIыпхъэр дигу къегъэкIыж», - къыхигъэщащ  подполковник Беляев Сергей.

Социальнэ IуэхущIапIэм и унафэщIхэм росгвардейцхэм фIыщIэ хуащIащ сабийхэм гулъытэ зэрыхуащIым папщIэ.

БАХЪСЭН Ланэ.
  • 33 просмотра
Поделиться: