Шабзауэхэр зэпоуэ

20 января, 2026 - 06:58
Къэбэрдей-Балъкъэрым шабзэкIэ нэщанэ еуэнымкIэ и чемпионатрэ пашэныгъэр къэхьыным хуэунэтIа зэхьэзэхуэрэ Налшык къалэм и «Гладиатор» спорт комплексым щекIуэкIащ. Апхуэдэуи а спорт лIэужьыгъуэмкIэ абы щызэхэтащ зи Iэпкълъэпкъым сэкъат иIэхэмрэ тэмэму зымылъагъухэмрэ я щIыналъэ зэпеуэ. 
Зэхьэзэхуэм хэтащ ди къэралым и щIыналъэхэм ящыщу 11-м я шабзауэ, щIалэхэри хъыджэбзхэри зэгъусэу, 74-рэ икIи медалхэм щIэбэнащ спортым япэ лъэбакъуэхэр хэзычэхэри, спортсмен цIэрыIуэхэри, дзэ Iуэху хэхам и ветеранхэри. 
Къэбэрдей-Балъкъэрым и гъэсэнхэм ящыщу Кулюшинэ Янэ, Стрельниковэ Аннэ, Ныр Каринэ сымэ зыхэта гупхэм япэ увыпIэхэр къыщахьащ икIи республикэм и чемпион хъуахэщ. Бжьахъуэ ФатIимэ етIуанэ, Хьэкъун Алан ещанэ увыпIэхэр яубыдащ. 
КъБР-м пашэныгъэр къыщыхьыным хуэунэтIа зэпеуэхэм ещанэ щыхъуащ Гъурыжь Инал. Зи Iэпкълъэпкъым сэкъат иIэхэм я зэхьэзэхуэм КIыщ Ахьмэдрэ Къардэн Тамарэрэ етIуанэ увыпIэхэр къыщахьащ. Тэмэму зымылъагъухэм я деж IэзагъэфI зэриIэр къыщигъэлъэгъуащ дзэ Iуэху хэхам и ветеран Мазло Заурбэч.
Зэхьэзэхуэхэм къарикIуахэр зэхалъхьэжа нэужь Кулюшинэ Янэрэ Стрельниковэ Аннэрэ дзыхь ирагъэзащ УФ-м и чемпионату мы гъэм щIышылэм Орел къалэм щызэхэтынум я зэфIэкIхэр щагъэлъэгъуэну.
НАУРЫЗ Мысост.
  • 20 просмотров
Поделиться:

Читать также:

11.02.2026 - 12:28 → Спорт хъыбархэр
03.02.2026 - 12:32 → МедалитI къахь
02.02.2026 - 11:18 → Ханты-Мансийск гъатхэм кIуэнущ
02.02.2026 - 10:33 → Бахъсэндэсхэр къыхожаныкI
29.01.2026 - 12:26 → Иджыри зы текIуэныгъэ