Iэпхъуэшапхъуэр пасэми щыIащ

29 января, 2026 - 12:41
Италием и къалащхьэм дэт кхъэлъахэжь зыбжанэу I-III лIэщIыгъуэхэм къагъэунэхуахэм, щIытI лэжьыгъэхэр щыщрагъэкIуэкIым, археологхэм хьэдэ къупщхьэу 105-рэ къыщIагъуэтэжащ. ЩIэныгъэлIхэм зэрыхуагъэфащэмкIэ, абыхэм ящыщу 8-р зейуэ щытар нэгъуэщI хэгъэгухэм къиIэпхъукIащ.
ЩIым щIэлъу къагъуэта хьэдэ къупщхьэхэм цIыхубзым ейуэ яхэлъар зы закъуэщ. Псом нэхъапэуи а Iуэхугъуэращ къэхутакIуэхэр езыгъэгупсысар, хьэдэ къупщхьэхэр зейуэ щытахэр лэжьыгъэ IуэхукIэ мы щIыпIэм къихьауэ зэрыщытам. 
 «Зи къупщхьэ къэдгъуэтахэм ящыщу языныкъуэхэр Альп бгыхэмкIэ къыщхьэдэхащ, адрейхэр Африкэ ИщхъэрэмкIэ къиIэпхъукIащ, - жаIащ къэхутакIуэхэм. - Ахэр къуршылъэ щIыпIэхэм зэрыщыпсэуар я къупщхьэхэмкIи зэхэдгъэкIащ, я дзэхэми къритщIащ».  
Шэч къыщIытепхьэжыни щымыIэу, Урым къэралыгъуэжьым и курыхыу щыта Италие хытIыгуныкъуэм, адрей къэзыухъуреихь хэгъэгухэм елъытауэ, а лъэхъэнэм куэдкIэ нэхъ псынщIэу зиужьырт. Абы къыхэкIыуи, а щIыпIэр лэжьакIуэхэми нэхъ хуэныкъуэт... Арагъэнущ, нэгъуэщI хэгъэгухэм къикIа цIыхухэр IэнатIэ IуэхукIэ Урым империем кIуэуэ щIыщытар.
БЭРАУ Бышэ.
  • 24 просмотра
Поделиться:

Читать также:

11.03.2026 - 15:06 → Къуалэ и къуэ Созрыхьэ
04.03.2026 - 18:34 → Зэманыр щыткIийми, цIыхугъэр яхуэхъумэрт
27.02.2026 - 15:54 → Шэрджэс
18.02.2026 - 13:25 → ГъущIыпсэхэмрэ адыгэпщхэмрэ
05.02.2026 - 12:26 → Сталинград ихъумащ