ЩIалэгъуалэм я унэм

ЩIалэгъуалэм я унэ Налшык дэтым щекIуэкIащ интернационалист – зауэлIхэм я махуэм теухуа зэIущIэ. Абы кърагъэблэгъащ Венгрием щызэуа Беслъэней Борис, Куба щекIуэкIа дзэ Iуэхухэм хэта Алиев Вячеслав, Афганистаным щызэуа Габоев Азрет - Алий. ХьэщIэхэм яхэтащ СВО-м къулыкъу щезыхьэкI Джэрий Аслъэн, Бахъуэ Алим, Дыджэш Азэмэт сымэ. Республикэм и еджапIэ нэхъыщхьэхэм щIэсхэмрэ хамэ къэралхэм зауэлI къалэн щезыхьэкIахэмрэ зэпсэлъащ Афганистаным щекIуэкIа зауэм ди цIыхухэр зэрыщыIам, абыхэм ягъэзэщIа къалэныр зыхуэдэм, зауэлIхэр лIыгъэщIапIэ зэрихуам, нэгъуэщI Iуэхугъуэхэми теухуауэ.
Афганистаным щыхэкIуэда зауэлIхэм я фэеплъ махуэм и щIыхькIэ щIалэгъуалэм я унэм щызэхуэса студенхэр хэтащ «ЛIыхъужьым деж письмо» урысейпсо Iуэхум. ЩIалэгъуалэм письмо хуатхащ Украинэм щекIуэкI дзэ Iуэху хэхам щыIэ ди зауэлIхэм. Я тхыгъэхэмкIэ фIыщIэ хуащIащ хэкум и хъумакIуэхэм.