Нэгъабэрейм къыкIэроху

2026 гъэм и щIышылэм Къэбэрдей-Балъкъэрым щаухуащ псэупIэу псори зэхэту метр зэбгъузэнатIэ мин 49,7-рэ икIи нэгъабэ и апхуэдэ пIалъэм щыIа бжыгъэхэм нэхърэ процент 36,7-кIэ нэхъ мащIэщ ар, къитащ Кавказ Ищхъэрэм СтатистикэмкIэ и управленэм.

Къапщытэж пIалъэм къриубыдэу республикэм псэупIэу щаухуам щыщу метр зэбгъузэнатIэ мин 44,8-р унагъуэхэм ейщ, нэгъабэ и апхуэдэ пIалъэм яхузэфIэкIам нэхърэ процент 42,9-кIэ ари нэхъ мащIэщ. Ухуэныгъэ езыгъэкIуэкI IуэхущIапIэхэм метр зэбгъузэнатIэ мини 4,9-р къалъос. 
Къуажэ щIыпIэхэм псэупIэу щаухуащ псори зэхэту метр зэбгъузэнатIэ мин 35-рэ е нэгъабэ и апхуэдэ пIалъэм щыIа бжыгъэхэм процент 70,5-кIэ хуэкIуэу.
2026 гъэм и щIышылэм Къэбэрдей-Балъкъэрым псори зэхэту щаIэтащ къат куэду зэтет унэу 104-рэ: фэтэрыщIэу 432-рэ, унагъуэхэм - 328-рэ. 
Фигу къэдгъэкIыжынщи, 2025 гъэм Къэбэрдей-Балъкъэрым псэупIэу щаухуащ псори зэхэту метр зэбгъузэнатIэ мин 642,5-рэ икIи абы ипэ ита илъэсым щыIа бжыгъэхэм нэхърэ проценти 5,2-кIэ нэхъыбэщ ар. ПсэупIэм щыщу метр зэбгъузэнатIэ мин 420-р унагъуэхэм яIэтащ е 2024 гъэм яхузэфIэкIам нэхърэ процент 13,5-кIэ нэхъыбэу. 
УхуакIуэхэм фэтэр куэду зэхэт псэупIэу ящIащ псори зэхэту метр зэбгъузэнатIэ мин 222,5-рэ (2024 гъэм – метр зэбгъузэнатIэ мин 240,9-рэ). 
.