ПхъэщхьэмыщхьэмкIэ республикэм щыпэрытщ

2 марта, 2026 - 12:16

Къэбэрдей-Балъкъэрым нэгъабэ щызэщIакъуэжа пхъэщхьэмыщхьэмрэ мэракIуэ лIэужьыгъуэхэмрэ я Iыхьэ плIанэр Бахъсэн щIыналъэм и мэкъумэшыщIэхэм къалъос, жиIащ КъБР-м мэкъумэш хозяйствэмкIэ и министрым, районым и жыг хадэгъэкIхэм иджыблагъэ щаIущIам.

«Пхъэщхьэмыщхьэ-мэракIуэ продукцэхэмкIэ Бахъсэн щIыналъэр республикэм щыпэрытщ. Апхуэдэу кърахьэлIэжым и процент 25,5-р абы къылъос», - къыхигъэщащ Сыжажэм. Апхуэдэуи, абы зэрыжиIамкIэ, районым и жыг хадэгъэкIхэм пхъэщхьэмыщхьэрэ мэракIуэ лIэужьыгъуэу тонн мин 283-м щIигъу нэгъабэ зэщIакъуэжащ, зы гектарым ику иту центнер 423,8-рэ къытекIыу. Республикэм ику иту щыщыIэ бжыгъэхэм нэхърэ центнер 25-кIэ нэхъыбэщ ар.

Къэбэрдей-Балъкъэрым жыг хадэгъэкI IэнатIэр мыхьэнэ нэхъ ин зиIэ унэтIыныгъэхэм хохьэ. ЖыпIэнурамэ, пхъэщхьэмыщхьэрэ мэракIуэ лIэужьыгъуэу псори зэхэту тонн мелуан 1,103-рэ кърахьэлIэжащ нэгъабэ е 2024 гъэм яхузэфIэкIам нэхърэ проценти 7-кIэ нэхъыбэ.

 
 
 
 

 

ХЬЭЩЫКЪУЕЙ Олег.
  • 13 просмотров
Поделиться:

Читать также:

11.03.2026 - 14:13 → Сэбэпымрэ зэранымрэ я пщалъэр
11.03.2026 - 12:26 → Зэпеуэр ирагъажьэ
11.03.2026 - 11:07 → Мыгъэрей къалэнхэм трагъащIэу
10.03.2026 - 16:03 → ШэщIауэ зызыужь IэнатIэ
10.03.2026 - 16:00 → Къуалэбзухэр