Къэзан екIуу зыкъыщагъэлъагъуэ

Урысей Федерацэм тхэквондомкIэ (ГТФ, Олимп джэгухэм хэмыхьэ лIэужьыгъуэмкIэ) и чемпионатрэ пашэныгъэр къы­щыхьыным хуэунэтIа зэхьэзэхуэрэ Тэтэрстаным и къалащхьэ Къэзан щекIуэкIащ иджыблагъэ. Абы щызэпеуащ ди къэралым и щIыналъэхэм ящыщу 66-м я спортсмену, щIалэхэри хъыджэбзхэри зэхэту, 2824-рэ. МахуихкIэ екIуэкIа зэIущIэм щызэхьэзэхуахэр щIэбэнащ УФ-м и командэ къыхэхам зэрызыхагъэхуэным.

Къэбэрдей-Балъкъэрым и командэм Къэзан екIуу зыкъыщигъэлъэгъуащ икIи медаль зэхуэмыдэу 14 абы къыщихьащ: 7-р дыщэу, 4-р дыжьыну, 3-р домбеякъыу.
УФ-м пашэныгъэр къыщыхьыным хуэунэтIа зэпеуэм я хьэ­лъагъ елъытауэ зыхэта гупхэм щытекIуащ Гупзешэ Албэч (дисциплинитIым япэ щыхъуащ), Гупзешэ Нурлан, Пекъу Ибрэхьим, Атабиев Абдулыхь, КъардэнгъущI Алан, Дзыгъуанэ Альберт сымэ. 
ЕтIуанэ увыпIэхэр къахьащ Назарчук Руслан, Къущхьэ Iэдэм (дисциплинитIым етIуанэ щыхъуащ), Гупзешэ Эмир сымэ.
Нэзрэн Инал, Дзыгъуанэ Имран, Пекъу Амир сымэ ещанэ хъуа­хэщ.
Командэм и тренерыр Бэлахъуэ Елдарщ.