НОБЭ

Накъыгъэм и 28, махуэку

Дыгъужь плъыжьым и дунейпсо махуэщ

УФ-м щагъэлъапIэ Гъунапкъэхъумэм и махуэр

1930 гъэм къалъхуащ Урысейм ЛэжьыгъэмкIэ и ЛIыхъужь, АР-м, КъБР-м, КъШР-м я цIыхубэ тхакIуэ, СССР-ми УФ-ми я Къэрал саугъэтхэм, Шолоховым и цIэр зезыхьэ, ДАХ-м я саугъэтхэм я лауреат, Адыгэ Республикэм и гимныр зытха МэшбащIэ Исхьэкъ.

 1930 гъэм къалъхуащ киноактёр, КъБР-м и цIыхубэ артист, КъБР-м и Къэрал саугъэтым и лауреат Молей Барэсбий.

1950 гъэм къалъхуащ КъБР-м щыщ жылагъуэ лэжьакIуэу, хьэрычэтыщIэу щыта Джэрыджэ Хьэсэн.

Дунейм и щытыкIэнур

«pogoda.yandex.ru» сайтым зэритымкIэ, республикэм уэшх къыщешхынущ. Хуабэр махуэм градус 24 - 25-рэ, жэщым градус 12 - 14 щыхъунущ.

  Лъэпкъ Iущыгъэ:

Унэ зимыIэ бей щыIэкъым.

Зыгъэхьэзырар ЩХЬЭЩЭМЫЩI Изэщ.