Захуагъэр япэ ирагъэщынущ

ЦIыхубэр поплъэ фокIадэм и 18 - 20-хэм ди къэралым щекIуэкIыну Хэхыныгъэхэм. Дауэ ар мы гъэм къызэрызэрагъэпэщынур? Сыт хуэдэ зэхъуэкIыныгъэхэр къыхэхъуэрэ 2026 гъэм? А псоми топсэлъыхь ХэхыныгъэмкIэ комитет нэхъыщхьэм и унафэщI Памфиловэ Эллэ. 
Памфиловэ Эллэ 2026 гъэм и хэхыныгъэр иужьрей илъэсхэм екIуэкIахэм я нэхъ гугъуу къызэрилъытэр къыхигъэщащ. 
Хэхыгъуэ пIалъэр зэфIэкIыху, абы и къызэгъэпэщыкIэм набдзэгубдзаплъэу хущытыпхъэщ: хэхакIуэ участкэхэр зэлъэIэсыным деж щегъэжьауэ, Iуэхур хабзэм темыкIыу щытыным нэс хуэсакъын хуейщ, къэралым и кIуэцIкIи щIыбкIи абы зэран къыхуэхъункIи хъунухэм темыплъэкъукIыу. 
ХэхыныгъэмкIэ системэр япэрейр зытетам тетыжщ: псори зэхэту (параллельнэ) жыпхъэм иту, парламентым хэтыну цIыху 450-рэ хахынущ. 
Депутат 225-р - партхэм къагъэлъэгъуахэм къыхахынущ, 225-р - зы мандат хэхыпIэ округхэм. 
Зы мандаткIэ хахынухэр 2026 гъэм щIэуэ ягуэшынущ: 
Округ 225-м Урысейм щIэуэ къыхыхьа областхэр хабжэ: ДНР-м щыщ округищ, ЛНР-м – тIу, Запорожскэ, Херсон областхэм – зырыз. 
Депутахэм я бжыгъэм зихъуэжакъым: 450-рэ. 
Депутат корпусым нэмыщI, а махуэ дыдэм щIыналъи 8-м я унафэщIхэмрэ щIыналъэ 39-м я парламентым хэтынухэмрэ хахынущ. 
Урысейм и субъектищым – Къэрэшей-Шэрджэсым, Дагъыстэным, Осетие Ищхъэрэ – Аланием я унафэщIхэр Президентым къигъэлъэгъуа нэужь, ятеухуа унафэр щIыналъэхэм я хабзэубзыху органхэм къащтэнущ.