Якутск къалэри къахохьэ

2026 гъэм жэпуэгъуэм и 5-м щегъэжьауэ Налшык къалэм и аэропортым телъэтыкIынущ Якутск къалэм кIуэ кхъухьлъатэ. РейсыщIэр игъэзэщIэнущ «Якутия» авиакомпанием и «Boeing 737-800» кхъухьлъатэ лъэщым, эконом классым хыхьэу тIысыпIэу 168-рэ, бизнес-классым ейуэ 8 иIэу.

ЯпэщIыкIэ Налшык и аэропортым кхъухьлъатэр блыщхьэ къэс телъэтыкIынущ, иужькIэ, абы и щIэупщIэм тещIыхьауэ, тхьэмахуэм рейситI игъэзащIэу ящIын мурад щыIэщ. КъищынэмыщIауэ, гъуэгуанэ зытетым хиубыдэу, кхъухьлъатэр Мэзкуу къалэм и «Внуково» аэропортым щетIысэхынущ.

IэщIагъэлIхэм зэрыжаIэмкIэ, иджы къызэIуахыну рейсыщIэм мыхьэнэ ин иIэнущ Кавказ Ищхъэрэмрэ КъуэкIыпIэ Жыжьэмрэ я дежкIэ икIи хьэрычэтыщIэхэм, туристхэм, зыплъыхьакIуэхэм IэмалыщIэхэр къахузэIуихынущ, щIыналъэхэр нэхъыфIу зэрагъэцIыхун, бизнес зэпыщIэныгъэхэр ирагъэфIэкIуэн, ягъэбыдэн хуэдэу.