НОБЭ

ФокIадэм и 7, блыщхьэ

♦ЩIыдагъэ, газ промышленностым и лэжьакIуэхэм я махуэщ

♦Хьэуа къабзэм и дунейпсо махуэщ

♦Iэщэхэм ещхь зэрыджэгу сабий хьэпшыпхэр гъэкIуэдыжыным и дунейпсо махуэщ

♦1923 гъэм Интерполыр – уголовнэ полицэм и дунейпсо организацэр – къызэрагъэпэщащ.

♦1928 гъэм ГуащIэдэкI Бэракъ Плъыжь орденыр къащтащ.

♦1940 гъэм къалъхуащ Абхъаз къэрал университетым и ректор, ЩIДАА-м и академик, физико-математикэ щIэныгъэхэмкIэ доктор, профессор Гварамие Алеко.

♦1949 гъэм къалъхуащ Урысей Федерацэм, Адыгэ Республикэм щIэныгъэмкIэ щIыхь зиIэ я лэжьакIуэ, ЩIДАА-м, МАИА-м, АПСН-м я академик, педагогикэ щIэныгъэхэмкIэ доктор, профессор КIэрмытI Къазбэч.

♦1955 гъэм къалъхуащ къэрал, политикэ лэжьакIуэ, КъБР-м и Шэджэм районым и унафэщIу щыта Ахъуэхъу Къанщобий.

Дунейм и щытыкIэнур

«pogoda.yandex.ru» сайтым зэритымкIэ, республикэм уэшх къыщешхынущ.  Хуабэр махуэм   градус 17 - 19, жэщым градус 12 - 13 щыхъунущ.

Лъэпкъ Iущыгъэ:

Еблагъэ зи бэм и бын мэжалIэркъым.