Марат спартакиадэм щытокIуэ

21 сентября, 2026 - 10:20
 «Урысейм и лъэпкъхэм я спартакиадэ» фIэщыгъэр зэрихьэу Башкирием и къалащхьэ Уфа мы махуэхэм щекIуэкI 2-нэ урысейпсо зэхьэзэхуэм алыдж-урым бэнэкIэмкIэ зэпеуэм япэ увыпIэр къыщихьащ Къэбэрдей-Балъкъэрым щыщ спортсмен КIэмпIарэ Марат.
Килограмми 130-рэ зи хьэлъагъхэм я деж щыбанэ тэрч щIалэм зэIущIиплI щригъэкIуэкIат Уфаи, псоми щытекIуащ. ЯпэщIыкIэ абы хигъэщIащ Санкт-Петербург и лIыкIуэр. АдэкIэ Марат къыпэщIэтащ Мэзкуу областым щыщ Габеев Георгийрэ Дагъыстэным икIа Ибрагимов Мухътаррэ, иужькIэ домбеякъ медалхэр къэзыхьахэр, икIи тIури хигъэщIащ.
Финалым КIэмпIарэм къыщыпэщIэтащ Новосибирск областым икIа бэнакIуэ Лаптев Михаил, ауэ мыбдежми ди щIалэр нэхъ лъэщу къыщIэкIащ: зэIущIэм и бжыгъэр 4:1-уэ щытекIуэри, Марат Спартакиадэм и дыщэ медалыр къихьащ.
Зэпеуэм хэтащ ди къэралым и щIыналъэхэм ящыщу 50-м я спортсмену 100-м нэблагъэ. 
МЭРШЭН Батыр.
  • 9 просмотров
Поделиться:

Читать также:

12.10.2026 - 14:32 → Дыщэ медалу тху
12.10.2026 - 14:29 → Спорт хъыбархэр
06.10.2026 - 18:51 → Спорт хъыбархэр
05.10.2026 - 17:00 → Спорт хъыбархэр
04.10.2026 - 16:38 → Спорт хъыбархэр