Зы дыщэрэ домбеякърэ

21 сентября, 2026 - 10:30

РСФСР-м алыдж-урым бэнэкIэмкIэ щIыхь зиIэ и тренер Сахабутдинов Мягас и фэеплъу 13-нэ урысейпсо зэхьэзэхуэ Къэзан къалэм иджыблагъэ щекIуэкIащ. Абы щызэпеуащ ди къэралым и щIыналъэ куэдым я спортсмену 400-м щIигъу, я ныбжькIэ илъэс 21-м щIимыгъуауэ.
Ди гуапэ зэрыхъущи, килограмм 97-рэ зи хьэлъагъхэм я деж япэ увыпIэр къыщихьащ Къэбэрдей-Балъкъэрым и бэнакIуэ КIэмпIарэ Темырлан. Зэхьэзэхуэм и кIэух зэпеуэм абы къыщыпэщIэтар Ростов областым щыщ Абачараев Гаджимурадщ.
Килограмм 67-рэ зи хьэлъагъхэм я деж домбеякъ медаль къыщихьащ Уэртэн Рустам. Ещанэ увыпIэм щхьэкIэ ди щIалэм къеныкъуэкъуащ Шэшэным и бэнакIуэ Берсанукаев Ибрэхьим, ауэ зэIущIэм и бжыгъэр 11:1-уэ ар хигъэщIащ Рустам.
Ди спортсменхэр зэхьэзэхуэм хуагъэхьэзыращ Елчэпар Мурат, Умархэ Залымрэ Валерэрэ.

МЭРШЭН Батыр.
  • 9 просмотров
Поделиться:

Читать также:

12.10.2026 - 14:32 → Дыщэ медалу тху
12.10.2026 - 14:29 → Спорт хъыбархэр
06.10.2026 - 18:51 → Спорт хъыбархэр
05.10.2026 - 17:00 → Спорт хъыбархэр
04.10.2026 - 16:38 → Спорт хъыбархэр