Дыдейхэри хуэмыхуакъым

24 сентября, 2026 - 12:30

Урысей Федерацэм атлетикэ хьэлъэмкIэ и чемпионат Мэзкуу къалэм щекIуэкIащ иджыблагъэ. Абы щызэпеуащ ди къэралым и щIыналъэхэм ящыщу 52-м я спортсмен 200-м щIигъу, щIалэхэри хъыджэбзхэри зэхэту.

Къэбэрдей-Балъкъэрым и лIыкIуэхэм зэхьэзэхуэм екIуу зыкъыщагъэлъэгъуащ икIи зэхуэмыдэу медалиплI абы къыщахьащ. Килограмм 49-рэ зи хьэлъагъхэм я деж двоеборьемкIэ етIуанэ щыхъуащ Андреевэ Полинэ, псори зэхэту килограмми 164-рэ зи хьэлъагъ штангэр къиIэтри.

Апхуэдэ зэфIэкIхэр къагъэлъэгъуащ икIи дыжьын медалхэр къахьащ Къаскъул Аслъэнрэ (кг 70 зи хьэлъагъхэм я гупым хэтщ, килограмм 284-рэ къиIэтащ) Балаев Хас-Магомедрэ (кг 110-рэ мэхъу, килограмм 388-м пэлъэщащ).

Чемпионатым ещанэ щыхъуащ Гулиев Темырлан. Килограмм 85-рэ зи хьэлъагъхэм я деж абы къыщиIэтащ псори зэхэту килограмм 328-рэ зи хьэлъагъ штангэр.

Спортсменхэр зэхьэзэхуэм  хуагъэхьэзыращ Жаппуев Магомедрэ Шэкэм Михаилрэ.

АРХЭСТ Аслъэнбэч.
  • 20 просмотров
Поделиться:

Читать также:

12.10.2026 - 14:32 → Дыщэ медалу тху
12.10.2026 - 14:29 → Спорт хъыбархэр
06.10.2026 - 18:51 → Спорт хъыбархэр
05.10.2026 - 17:00 → Спорт хъыбархэр
04.10.2026 - 16:38 → Спорт хъыбархэр