ЕкIуу къагъэзэж

25 сентября, 2026 - 13:33
Универсальнэ зэзауэ спорт лIэужьыгъуэмкIэ дунейпсо чемпионатрэ пашэныгъэр къэхьыным хуэунэтIа зэхьэзэхуэрэ Челябинск къалэм щекIуэкIащ. Абы кърихьэлIащ ди къэралым и щIыналъэхэм ящыщу 25-м я спортсмену 400-м нэблагъэ. Къэбэрдей-Балъкъэрым и лIыкIуэу абыхэм хэтащ спортсмен 21-рэ икIи екIуу зыкъыщагъэлъэгъуащ.
Дунейпсо чемпионатым и дыщэ медалхэр къахьащ Безыр Азэмэтрэ Хьэвэящхьэ Елдаррэ. ЕтIуанэ хъуащ Урыс Мухьэмэд. Къуэдзокъуэ Марат, Борсэ Алан, Азнаур Ислъам, Къуэныкъуей Алим, Хьэсанэ Мурат сымэ ещанэ увыпIэхэр яубыдащ.
Пашэныгъэр къэхьыным хуэунэтIа зэпеуэм щытекIуащ ХьэцIыкIу Айдамир, Бейтыгъуэн Алан, Щоджэн Самир, Ульбашев Артур сымэ. Дыжьын медалхэр къахьащ Чабдаров Магомедрэ Аджий Iэминрэ, Къасбот Марат ещанэщ. 
Командэр зэхьэзэхуэм хуагъэхьэзыращ Бейтыгъуэн Руслан, Тхьэщыгъуей Анзор, Куэцэ Мурат, Гериев Хъусейн, Джаппуев Алий, Щомахуэ Казбек сымэ. 
 
Щоджэныр псоми ятокIуэ
Босниемрэ Герцоговинэмрэ я къалащхьэ Сараево иджыблагъэ щекIуэкIащ дзюдомкIэ ветеранхэм я дунейпсо зэхьэзэхуэ. Абы хэтащ къэрал 65-м я спортсмену 1350-рэ.
Урысей Федерацэм и ныпым щIэту абы щыбэнащ Къэбэрдей-Балъкъэрым и спортсмен лъэщ Щоджэн Рустам икIи дыщэ медаль абы къыщихьащ.
Килограмми 100 зи хьэлъагъхэм я деж щыбанэ ди щIалэм финалым щыхигъэщIащ Грузием икIа Гобеджишвили Девико.
Къыхэдгъэщынщи, дунейпсо чемпионатхэм Щоджэныр ипэкIи къыщыхэжаныкIащ, 2025 гъэм Париж щекIуэкIа зэхьэзэхуэм ещанэ увыпIэр къыщихьащ.
МедалитI къахь
Южно-Сахалинск къалэм щекIуэкIащ УФ-м каратемкIэ и чемпионат. Зэхьэзэхуэм щызэпеуащ ди къэралым и щIыналъэхэм ящыщу 38-м я спортсмену, щIалэхэри хъыджэбзхэри зэхэту, 328-рэ. Чемпионатым щытекIуахэр хагъэхьащ Урысей Федерацэм и командэ къыхэхам. 
Къэбэрдей-Балъкъэрым и лIыкIуэу зэхьэзэхуэм спортсмену 8 щыIащ икIи абыхэм ящыщу зыхэта гупхэм я деж домбеякъ медалхэр къыщахьащ Мэз Идаррэ (кг 60) КIэбышэ Ислъамрэ (кг 67-рэ).
МЭРШЭН Батыр.
  • 16 просмотров
Поделиться:

Читать также:

12.10.2026 - 14:32 → Дыщэ медалу тху
12.10.2026 - 14:29 → Спорт хъыбархэр
06.10.2026 - 18:51 → Спорт хъыбархэр
05.10.2026 - 17:00 → Спорт хъыбархэр
04.10.2026 - 16:38 → Спорт хъыбархэр