Щхьэгуэш Адэлбий и лэжьыгъэм пещэ

Къэбэрдей-Балъкъэр Республикэм ХэхыныгъэхэмкIэ и комиссэм къызэритамкIэ, УФ-м и Къэрал Думэм и 9-нэ Зэ­хуэсым хэтыну депутату хахащ Щхьэгуэш Адэлбий. 

Ар 1967 гъэм мэкъуауэгъуэм и 6-м Лэскэн щIыналъэм хыхьэ Хьэ­туей къуа­жэм къыщалъхуащ. 1991 гъэм абы ­КъБКъУ-м тхыдэмкIэ и факультетыр къиухащ, кIэ­лъыкIуэу и щIэныгъэм щыхигъэхъуащ къэрал къулыкъумкIэ ­УФ-м и Президентым деж щыIэ урысей академием, 2002 гъэм ар къиухащ экономикэ щIэныгъэ­хэмкIэ кандидат цIэр иIэу. УФ-м и Къэрал Думэм и депутатщ, «Урысей зэкъуэт»­ партым и фракцэм и унафэщIым и къуэдзэщ.