Нартыхур Iуахыж

29 сентября, 2026 - 06:49

Къэбэрдей-Балъкъэрым и мэкъумэшыщIэхэм нартыху жылапхъэр Iуахыжын щIадзащ.

Республикэм и районхэм АПК-мкIэ я управленэхэм зэкIэ къызэратамкIэ, щIыналъэм и мэкъумэш къэкIыгъэ нэхъыщхьэр гектар мини 10,5-м нобэкIэ къытрахыжащ икIи тонн мин 71-м щIигъу хъуащ. Нэгъабэ и апхуэдэ пIалъэм щыIа бжыгъэхэм нэхърэ нэхъыбэщ ар.

КъищынэмыщIауэ, зы гектарым хуэзэу нартыху жылапхъэу ику иту центнер 68-рэ къытекIащ. Нэгъабэ яхузэфIэкIам нэхърэ ари нэхъыбэщ.

Мы гъэм нартыхум ирагъэубыдащ гектар мини 117-м нэблагъэ икIи нэгъабэ щIыуэ абы хухахам хуэдизщ ар.

АРХЭСТ Аслъэнбэч.
  • 9 просмотров
Поделиться: