Хуадэнукъым хабзэншагъэ

КъБР-м и Iэтащхьэ КIуэкIуэ Казбек хэтащ КИФЩI-м шынагъуэншагъэр къы­щызэгъэпэщынымкIэ, коррупцэм щыпэ­щIэтынымкIэ, хабзэр къызыхуэ­тыншэу щыгъэлэжьэнымкIэ зэзыгъэуIу зэIущIэм. Ар иригъэкIуэкIащ УФ-м и Пре­зи­дентым и полномочнэ лIыкIуэу ­КИФЩI-м щыIэ Чайкэ Юрий. 

Зэхуэсахэр тепсэлъыхьащ щIына-лъэм къэIэпхъуэхэм хабзэншагъэ зэра­-хьэу яхуэб­дэ зэрымыхъунум, гъуэгум къы­щыхъу къэхъукъащIэхэмрэ цIыхухэм ­ягъуэт фэбжьхэмрэ гъэмэщIэн зэрыхуейм, а лъэ­ныкъуитIри ефIэкIуэн папщIэ, лэжьыгъэм щIэуэ хэлъхьапхъэм. 
ЗэIущIэм къыщыпсэлъахэщ УФ-м къэрал кIуэцI IуэхухэмкIэ и министрым и япэ къуэ­дзэ Кикоть Андрей, щIыналъэхэм я лIы­кIуэхэр, КИФЩI-м и хабзэхъумэ IуэхущIапIэхэм я унафэщIхэр. 
Чайкэ Юрий гулъытэ щхьэхуэ хуищIащ гъуэгухэмрэ абы къещIэкIа инфраструктурэмрэ елIэлIэн, аварие къыщыхъункIэ шынагъуэу щыт щIыпIэхэм я ныкъусаныгъэхэр гъэзэкIуэжын, гъуэгу къэхъукъащIэхэр къэмыхъун папщIэ, яхузэфIэкI псори ящIэн зэрыхуейм.