Урысей Федерацэм и чемпионатыр Налшык къыщызэIуах

9 сентября, 2021 - 05:35

Бгырыпх бэнэкIэ                             

Налшык дэт «Гладиатор» спорткомплексым къыщызэIуахащ бгырыпх бэнэкIэмкIэ Урысей Федерацэм и чемпионат. Къэбэрдей-Балъкъэрым апхуэдэ пщIэ иджы япэу игъуэту аращ.
Къэралым и щIыпIэ 29-м къикIа бэнакIуэ 260-м щIигъу ди республикэм и къалащхьэм къэкIуащ. Хьэлъагъ 19-м абыхэм щызэхагъэкIынущ хэт нэхъ лъэщми.
Зэхьэзэхуэр гуфIэгъуэкIэ къыщызэIуахым  кърихьэлIащ Бгырыпх бэнэкIэмкIэ урысейпсо федерацэм и президент, спортым щIыхь зиIэ и мастер Рамазанов Рушан, абы и къуэдзэ, Урысей Федерацэм щIыхь зиIэ и тренер Зиякаев Рустам, къэралым и командэ къыхэхам и тренер нэхъыщхьэ Лайпанов Дахир, гуп къыхэхам и унафэщI Морозов Ингрид, Къэрэшей-Шэрджэсым Бгырыпх бэнэкIэмкIэ и федерацэм и тхьэмадэ Тоторкулов Азэмэт, Къэбэрдей-Балъкъэрым спортымкIэ и министрым и къуэдзэ Анаев Аслъэн, СССР-м спортымкIэ и мастер, КъБР-м физическэ щэнхабзэмкIэ щIыхь зиIэ и лэжьакIуэ Къуэдзокъуэ Анатолэ сымэ, нэгъуэщI хьэщIэ лъапIэхэр.
Коронавирус уз зэрыцIалэм зыщахъумэн папщIэ Iэмал псори къагъэсэбэпу зэпеуэхэр йокIуэкI. Абы щытекIуэхэм Iэмал яIэнущ мы гъэм жэпуэгъуэм (октябрым) и 28-3I-хэм  Къэзан щыIэну дунейпсо чемпионатым хэтыну.

 

Хьэтау Ислъам.
  • 21 просмотр
Поделиться:

Читать также:

15.04.2024 - 17:00 → КIыщ Аслъэнбэч и дыщэхэм къыхегъахъуэ
15.04.2024 - 16:30 → Сочэ къащыпоплъэ
11.04.2024 - 17:30 → Дыдейхэрщ нэхъыфIыр
11.04.2024 - 17:00 → Ди щIалэр каратэмкIэ чемпионщ
03.04.2024 - 17:20 → Орел щылъэщащ