Ершов Виталий илъэс 60 ирикъуащ

  Урысейм иIэпхъукIа адыгэ хэхэсхэм я дунейр къэралым щаджыпхъэ щIэныгъэ къудамэу зэрыщытыр къэзыIэта тхыдэдж-политикхэм яз Ершов Василий езыри и адэмкIэ шапсыгъщ. Зэрыхъу хабзэу, политикэ зэхуэмыхъуныгъэ щхьэусыгъуэхэм щIалэм Iэмал къратакъым и лъэпкъыр и унэцIэм къыхигъэщыну. Ар Ершовым зэран къыхуэхъуакъым лъэпкъым и тхыдэмрэ и нобэмрэ и гъащIэри и гуащIэри триухуэну. 
Ершов Виталий Фёдор и къуэр 1961 гъэм щэкIуэгъуэм и 26-м Мэзкуу къыщалъхуащ. 1984 гъэм абы къиухащ Мэзкуу къэрал тхыдэ-архив институтыр; 2009 гъэм – Мэзкуу къэрал университетым и тхыдэ факультетыр. Институт нэужьым Виталий армэм дэкIри, СССР-м и Дзэм къулыкъу щищIащ. 
1986 - 1992 гъэхэм Ершов Виталий щолажьэ Совет Армэм и Къэрал архив нэхъыщхьэм (РГВА), иужькIэ – СССР-м и Архив управленэ нэхъыщхьэм, адэкIэ - щIэныгъэ нэхъыщхьэ щызрагъэгъуэт еджапIэхэм. 
Дызэрыт зэманым Виталий Мэзкуу областым и къэрал университетым Стратегиемрэ аналитикэмкIэ и центрым и унафэщIщ, Гуманитар щIэныгъэхэмкIэ урысей къэрал университетым и профессорщ (РГГУ). 
1990 гъэхэм щегъэжьауэ, Виталий зэи къэралым ис тхыдэ щIэныгъэлIхэм зи Iуэху къамыIэта, Урысей хэхэсхэм я дуней тетыкIэр, ахэр зыIууэ лъэпощхьэпохэмрэ абыхэм яхуэгъуэтыпхъэ хэкIыпIэхэмрэ иджын щIидзащ. Ершовыр хэтащ ЩIэныгъэхэмкIэ урысей академиеми, Гуманитар къэрал университетми, Мэзкуу къэрал университетми а унэтIыныгъэм елэжьыну къыщызэрагъэпэща щIэныгъэлI гупхэм. 1996 гъэм Виталий а щIэныгъэ къудамэм теухуауэ кандидат диссертацэ, 2001 гъэм – доктор лэжьыгъэ утыку кърихьащ. 
Ершов Виталий XX лIэщIыгъуэм и Урысей тхыдэмкIэ, Псоми я зэхуэдэ тхыдэмкIэ, дунейм щекIуэкI мылъку-экономикэ зэхъуэкIыныгъэхэмкIэ, хамэ къэралхэм зэрадекIуэкIыпхъэ зэхущытыкIэхэмкIэ, щIыпIэхъуэж къызыхулъыкъуэкI лъэпкъхэм я Iуэху зыIутымкIэ IэщIагъэлIщ. Абы и Iэдакъэ къыщIэкIащ щIэныгъэлI тхыгъэу 170-м нэс. 2016 гъэм Виталий итха, «Урысей дунеймрэ Кавказ Ищхъэрэм икIа хэхэсхэмрэ XX-XXI лIэщIыгъуэхэм я зэпылъыпIэм» тхылъым щыгъуазэ узыщI тхыгъэ «Адыгэ псалъэм» къытеддзауэ щытащ. Ар тепсэлъыхьырт Кавказ Ищхъэрэм иIэпхъукIа мухьэжырхэм я гъащIэр хамэ щIыпIэм зэрыщызэтеувам, адыгэ хэхэсхэм я гъащIэр Европэмрэ Америкэмрэ зэрыщекIуэкIым, иджырей Адыгэ дунейм къыщыхъу щIыпIэхъуэжымрэ хэхэсхэр хэкум къызэрыIэпхъуэж щIыкIэмрэ. 
Ершов Виталий ЩIэныгъэхэмкIэ дунейпсо адыгэ академием и академикщ. Ар хохьэ Урысей Правительствэм и нэIэ щIэту лажьэ, УФ-м ФинансхэмкIэ и университетым Лъэпкъ шынагъуэншагъэмкIэ и эксперт гупым, «Урысей зэкъуэт» партым хэтщ. 
КъинэмыщIауэ, Виталий холэжьыхь Урысейм политикэ щIэныгъэхэмкIэ и зэгухьэныгъэм, Урысейм и хамэ къэралхэмкIэ министерствэм гуэту лажьэ абы и Жылагъуэ зэхущытыкIэхэмкIэ къэхутакIуэ комитетым. Ершовыр хэтщ Урысейм и тхыдэ-архив лэжьакIуэхэм я зэгухьэныгъэм и правленэм (РОИА), Урысейм и дзэ-тхыдэ зэгухьэныгъэм (РВИО), Урысей профессор собранэм (РПС). 
Виталий и лэжьакIуэщ «Вестник МГОУ» журналым тхыдэмрэ политикэмрэ теухуа и къудамэм и редколлегием.
Адыгэм и тхыдэми и нобэми жыджэру телэж Ершов Виталий илъэс 60 ирикъуащ
 Урысейм иIэпхъукIа адыгэ хэхэсхэм я дунейр къэралым щаджыпхъэ щIэныгъэ къудамэу зэрыщытыр къэзыIэта тхыдэдж-политикхэм яз Ершов Василий езыри и адэмкIэ шапсыгъщ. Зэрыхъу хабзэу, политикэ зэхуэмыхъуныгъэ щхьэусыгъуэхэм щIалэм Iэмал къратакъым и лъэпкъыр и унэцIэм къыхигъэщыну. Ар Ершовым зэран къыхуэхъуакъым лъэпкъым и тхыдэмрэ и нобэмрэ и гъащIэри и гуащIэри триухуэну. 
Ершов Виталий Фёдор и къуэр 1961 гъэм щэкIуэгъуэм и 26-м Мэзкуу къыщалъхуащ. 1984 гъэм абы къиухащ Мэзкуу къэрал тхыдэ-архив институтыр; 2009 гъэм - Мэзкуу къэрал университетым и тхыдэ факультетыр. Институт нэужьым Виталий армэм дэкIри, СССР-м и Дзэм къулыкъу щищIащ. 
1986 - 1992 гъэхэм Ершов Виталий щолажьэ Совет Армэм и Къэрал архив нэхъыщхьэм (РГВА), иужькIэ – СССР-м и Архив управленэ нэхъыщхьэм, адэкIэ - щIэныгъэ нэхъыщхьэ щызрагъэгъуэт еджапIэхэм. 
Дызэрыт зэманым Виталий Мэзкуу областым и къэрал университетым Стратегиемрэ аналитикэмкIэ и центрым и унафэщIщ, Гуманитар щIэныгъэхэмкIэ урысей къэрал университетым и профессорщ (РГГУ). 
1990 гъэхэм щегъэжьауэ, Виталий зэи къэралым ис тхыдэ щIэныгъэлIхэм зи Iуэху къамыIэта, Урысей хэхэсхэм я дуней тетыкIэр, ахэр зыIууэ лъэпощхьэпохэмрэ абыхэм яхуэгъуэтыпхъэ хэкIыпIэхэмрэ иджын щIидзащ. Ершовыр хэтащ ЩIэныгъэхэмкIэ урысей академиеми, Гуманитар къэрал университетми, Мэзкуу къэрал университетми а унэтIыныгъэм елэжьыну къыщызэрагъэпэща щIэныгъэлI гупхэм. 1996 гъэм Виталий а щIэныгъэ къудамэм теухуауэ кандидат диссертацэ, 2001 гъэм – доктор лэжьыгъэ утыку кърихьащ. 
Ершов Виталий XX лIэщIыгъуэм и Урысей тхыдэмкIэ, Псоми я зэхуэдэ тхыдэмкIэ, дунейм щекIуэкI мылъку-экономикэ зэхъуэкIыныгъэхэмкIэ, хамэ къэралхэм зэрадекIуэкIыпхъэ зэхущытыкIэхэмкIэ, щIыпIэхъуэж къызыхулъыкъуэкI лъэпкъхэм я Iуэху зыIутымкIэ IэщIагъэлIщ. Абы и Iэдакъэ къыщIэкIащ щIэныгъэлI тхыгъэу 170-м нэс. 2016 гъэм Виталий итха, «Урысей дунеймрэ Кавказ Ищхъэрэм икIа хэхэсхэмрэ XX-XXI лIэщIыгъуэхэм я зэпылъыпIэм» тхылъым щыгъуазэ узыщI тхыгъэ «Адыгэ псалъэм» къытеддзауэ щытащ. Ар тепсэлъыхьырт Кавказ Ищхъэрэм иIэпхъукIа мухьэжырхэм я гъащIэр хамэ щIыпIэм зэрыщызэтеувам, адыгэ хэхэсхэм я гъащIэр Европэмрэ Америкэмрэ зэрыщекIуэкIым, иджырей Адыгэ дунейм къыщыхъу щIыпIэхъуэжымрэ хэхэсхэр хэкум къызэрыIэпхъуэж щIыкIэмрэ. 
Ершов Виталий ЩIэныгъэхэмкIэ дунейпсо адыгэ академием и академикщ. Ар хохьэ Урысей Правительствэм и нэIэ щIэту лажьэ, УФ-м ФинансхэмкIэ и университетым Лъэпкъ шынагъуэншагъэмкIэ и эксперт гупым, «Урысей зэкъуэт» партым хэтщ. 
КъинэмыщIауэ, Виталий холэжьыхь Урысейм политикэ щIэныгъэхэмкIэ и зэгухьэныгъэм, Урысейм и хамэ къэралхэмкIэ министерствэм гуэту лажьэ абы и Жылагъуэ зэхущытыкIэхэмкIэ къэхутакIуэ комитетым. Ершовыр хэтщ Урысейм и тхыдэ-архив лэжьакIуэхэм я зэгухьэныгъэм и правленэм (РОИА), Урысейм и дзэ-тхыдэ зэгухьэныгъэм (РВИО), Урысей профессор собранэм (РПС). 
Виталий и лэжьакIуэщ «Вестник МГОУ» журналым тхыдэмрэ политикэмрэ теухуа и къудамэм и редколлегием.
Адыгэм и тхыдэми и нобэми жыджэру телэжьыхь Виталий дяпэкIи ехъулIэныгъэфIхэр иIэну дохъуэхъу. 

Чэрим Марианнэ.
Поделиться: