Нобэ

Метрологием и дунейпсо махуэщ
Бжьэхэм я дунейпсо махуэщ
Фэбжь зыгъуэтам еIэзэ дохутырым и дунейпсо махуэщ

Индыл псым и махуэщ. Индыл Урысейм и мызакъуэу Европэми щынэхъ псышхуэхэм ящыщщ – абы и кIыхьагъыр километри 3,7-рэ мэхъу.
1570 гъэм Антверпен (Бельгие) дунейм щыяпэу щытрадзащ географие атлас.
1873 гъэм США-м щыщ Страус Леви къигупсысащ джинсым къыхэщIыкIа гъуэншэдж лIэужьыгъуэр. А щыгъыныгъуэр ящыщщ иджыпсту дунейм бжьыпэр щызыIыгъхэм.
1875 гъэм Париж къыщащтащ метр, литр, килограмм пщалъэхэр.
1939 гъэм «КъБР-м и цIыхубэ артист», «КъБР-м гъуазджэхэмкIэ щIыхь зиIэ и лэжьакIуэ», «КъБР-м щIыхь зиIэ и егъэджакIуэ» цIэ лъапIэхэр ягъэуващ.
1942 гъэм Хэку зауэ орденым и япэ, етIуанэ нагъыщэхэр ягъэуващ.
1557 гъэм къалъхуащ Урысейм и пащтыхьу щыта (Рюриковичхэ ящыщу иужьрейуэ) Фёдор Езанэр.
1799 гъэм къалъхуащ франджы тхакIуэ цIэрыIуэ Оноре де Бальзак.
1916 гъэм къалъхуащ урысей кхъухьлъатэзехуэ, Совет Союзым и ЛIыхъужь Маресьев Алексей.
1927 гъэм къалъхуащ тхыдэ щIэныгъэхэмкIэ доктор, профессор, УФ-м щIэныгъэмкIэ щIыхь зиIэ и лэжьакIуэ Гугу Рашад.
1935 гъэм къалъхуащ физико-математикэ щIэныгъэхэмкIэ доктор, КъБКъУ-м и профессору щыта, КъБР-м щIэныгъэхэмкIэ щIыхь зиIэ и лэжьакIуэ ЖьэкIэмыхъу Мусэбий.
1938 гъэм къалъхуащ усакIуэ, тхакIуэ, КъБР-м щэнхабзэмкIэ щIыхь зиIэ и лэжьакIуэ Хьэх Сэфарбий.
1939 гъэм къалъхуащ урысей эстрадэм и артист цIэрыIуэ, УФ-м и цIыхубэ артист Карцев Роман.
1948 гъэм къалъхуащ Адыгэ Республикэм и санитар дохутыр нэхъыщхьэ, медицинэ щIэныгъэхэмкIэ доктор, АКъУ-м и профессор, ЩIДАА-м и академик АкIырэ Аслъэн.
1958 гъэм къалъхуащ урысей актёр, УФ-м и цIыхубэ артист Гуськов Алексей.
1955 гъэм къалъхуащ Къэбэрдей-Балъкъэр радиом адыгэбзэкIэ и нэтынхэм я редактор нэхъыщхьэ, КъБР-м щIыхь зиIэ и журналист Тэтрокъуэ Астемыр.
1974 гъэм къалъхуащ «Черкес хэку» газетым и редактор нэхъыщхьэ, КъШР-м щIыхь зиIэ и журналист Абидокъуэ Люсанэ.

Дунейм и щытыкIэнур

«pogoda.yandex.ru» сайтым зэритымкIэ, Налшык уфауэ щыщытынущ, пIалъэ-пIалъэкIэрэ уэшх къыщешхынущ. Хуабэр махуэм градус 16 – 17, жэщым градус 12 - 13 щыхъунущ.

Лъэпкъ Iущыгъэ:
Псалъэ бутIыпщам аркъэн кIэлъумыдзыж.

 

 

Зыгъэхьэзырар ЖЬЭКIЭМЫХЪУ Маринэщ.
Поделиться:

Читать также:

27.03.2024 - 15:00 НОБЭ
26.03.2024 - 08:01 НОБЭ
25.03.2024 - 12:07 НОБЭ
22.03.2024 - 15:54 Псым и махуэ