Дунейм щыхъыбархэр

Нобэ

ЯфIэкIуэда сабийхэм я дунейпсо махуэщ

УФ-м щагъэлъапIэ Филологым и махуэр

Африкэм и махуэщ. Африкэ зэкъуэтыныгъэм и зэгухьэныгъэр къыщызэрагъэпэща махуэщ (1963 гъэм).

Иордание Хьэшимит Пащтыхьыгъуэм и лъэпкъ махуэшхуэщ – и щхьэхуитыныгъэм и махуэщ. 1946 гъэм къэралыр къыщIэкIащ Инджылызым и унафэм.

НэгъуэщIхэм я унафэм щIэт щIыналъэхэм щыпсэу лъэпкъхэм я зэкъуэтыныгъэм и махуэщ

НапэIэлъэщIым и махуэщ

1705 гъэм Пётр Езанэм унафэ къыдигъэкIащ Москва и уэрамхэр мывэкIэ къищIыкIыным теухуауэ.

1925 гъэм къызэрагъэпэщащ ди къэралым и футбол гуп нэхъ цIэрыIуэхэм ящыщ «Зенит» клубыр. Къэралым и чемпионатхэм, зэхьэзэхуэхэм мызэ-мытIэу бжьыпэр зэрыщиубыдам нэмыщI, абы УЕФА-м и Кубокри и Супер-Кубокри къихьащ.

1957 гъэм Москва къыщызэIуахащ СССР-м и мызакъуэу, Европэми а зэманым щынэхъ ин дыдэу къыщалъыта «Украина» хьэщIэщыр.

1987 гъэм «Сыбыр» мылкъутэ атом кхъухьыр Полюс Ищхъэрэм нэсащ.

1893 гъэм къалъхуащ Югославием и унафэщIу илъэс 35-кIэ щыта Иосип Броз Титэ.

1908 гъэм къалъхуащ адыгэхэм я тхыдэр зыджа осетин щIэныгъэлI, тхыдэ щIэныгъэхэм я доктор, профессор Гарданов Батрэз.

1922 гъэм къалъхуащ юстицэмкIэ къэрал чэнджэщэгъу, жылагъуэ лэжьакIуэ Ансокъуэ Мухьэрбий.

1923 гъэм къалъхуащ Социалист Лэжьыгъэм и ЛIыхъужь, Къэбэрдей-Балъкъэрым щIыхь зиIэ и егъэджакIуэ Къамбий Мухьэб.

1931 гъэм къалъхуащ совет космонавт, Совет Союзым тIэунейрэ и ЛIыхъужь Гречкэ Георгий.

1932 гъэм къалъхуащ Къэрэшей-Шэрджэсым и цIыхубэ усакIуэ Тут Михаил.

1940 гъэм къалъхуащ тхакIуэ, журналист, КъБР-м щэнхабзэмкIэ щIыхь зиIэ и лэжьакIуэ Тхьэмокъуэ Барэсбий.

1941 гъэм къалъхуащ урысей актёр цIэрыIуэ Даль Олег.

1942 гъэм къалъхуащ актёр цIэрыIуэ, РСФСР-м и цIыхубэ артист, СССР-м и Къэрал саугъэтыр тIэунейрэ зыхуагъэфэща Калягин Александр.

1950 гъэм къалъхуащ парт, къэрал лэжьакIуэ, республикэм и Парламентым и УнафэщIым и къуэдзэу, КъБР-м и Къэрал чэнджэщэгъуу щыта, УФ-м щIыхь зиIэ и ухуакIуэ Бозий Натбий.

I952 гъэм къалъхуащ техникэ щIэныгъэхэм я доктор, профессор, Урысейм транспортымкIэ и академием и действительнэ член ЗекIуэрей Аслъэн.

I97I гъэм къалъхуащ урысей уэрэджыIакIуэ, актрисэ, УФ-м щIыхь зиIэ и артисткэ Орбакайте Кристинэ.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ, пIалъэ-пIалъэкIэрэ къыщешхынущ. Хуабэр махуэм градус 13 - 14, жэщым градуси 9 - 10 щыхъунущ.

Лъэпкъ Iущыгъэ:

ФIым уригъусэмэ, фIы уохъу, Iейм уригъусэмэ, Ieй уохъу.