Дунейм щыхъыбархэр

Нобэ

ЩIэныгъэхэм я махуэщ. Урысейм имызакъуэу, ар щагъэлъапIэ Совет Союзым хыхьэу щыта къэрал куэдми.….

Къэбэрдей-Балъкъэр Республикэм и Къэралыгъуэм и махуэщ. 1921 гъэм Къэбэрдей автономнэ областыр къызэрагъэпэщащ. I936 гъэм къыщыщIэдзауэ Къэбэрдей-Балъкъэр АССР-щ.

Къэбэрдей-Балъкъэр Республикэм и Конституцэм и махуэщ

Дзэ щIыхьым и къалэ, КъБР-м и щыхьэр Налшык и махуэщ

Узбекистан Республикэм и щхьэхуитыныгъэм и махуэщ. 1991 гъэм республикэм и Совет Нэхъыщхьэм и сессием къыщащтащ къэрал суверенитетым теухуа унафэр.

Словакием и Конституцэм и махуэщ

1255 гъэм Кёнигсберг быдапIэм и лъабжьэр ягъэтIылъащ.

1569 гъэм урыс пащтыхь Иван IУ и щхьэгъусэ, Идар Темрыкъуэ ипхъу Гуащэнэ (Марие) дунейм ехыжащ.

1674 гъэм адыгэпщ Муцал и къуэ Къасболэт и дзэм Азов и деж тыркудзэр щызэтрикъутащ.

1714 гъэм Пётр Езанэм и унафэкIэ Петербург къалэм къыщызэIуахащ Урысейм щыяпэ къэрал библиотекэр. Иджыпсту ар Урысейм ЩIэныгъэхэмкIэ и академием и библиотекэщ.

1919 гъэм Кинематографием и урысейпсо институтыр - ВГИК-р - къызэрагъэпэщащ.

1938 гъэм «Правда» газетым япэ дыдэу къытехуащ «Хэкум папщIэ! Сталиным папщIэ!» къыхуеджэныгъэр.

1939 гъэм ЕтIуанэ дунейпсо зауэр къэхъеящ.

1940 гъэм Тырныауз вольфрам-молибден комбинатыр лажьэу яутIыпщащ.

1940 гъэм Налшык къыщызэрагъэпэщащ адыгэ, балъкъэр балет студиехэр.

1951 гъэм дунейм щыяпэу Лондон къыщызэIуахащ супермаркет жыхуаIэ тыкуэнышхуэр.

1964 гъэм япэ дыдэу къагъэлъэгъуащ «НэхулъэфI фыкъикI, цIыкIухэ!» нэтыныр.

2004 гъэм Осетие Ищхъэрэм щыщ Беслъэн къалэм дэт езанэ курыт школыр щIэпхъаджащIэхэм яубыдащ. Урысей псом исхэм я псэхэр дзапэкIэ яIыгъыу жэщищ-махуищкIэ кIэлъыплъащ къалэм щекIуэкI гузэвэгъуэшхуэм - гъэ еджэгъуэщIэм и япэ махуэм дэрэжэгъуэшхуэ яIэу школым екIуэлIа цIыху 1128-рэ гъэру яубыдат террористхэм. А махуэхэм цIыху 333-рэ хэкIуэдащ - сабийуэ, абыхэм я адэ-анэхэу, ФСБ-м и лэжьакIуэхэу.

1651 гъэм къалъхуащ урысей пащтыхь гуащэ, Пётр Езанэм и анэ Нарышкинэ Наталье.

1816 гъэм къалъхуащ урыс дзэ къулыкъущIэ, бзэщIэныгъэлI, кавказыбзэхэр джыным хэлъхьэныгъэшхуэ хуэзыщIа Услар Пётр.

1909 гъэм къалъхуащ къэрал лэжьакIуэ, Къэбэрдей АССР-м и Совет Нэхъыщхьэм и Президиумым и УнафэщIу щыта Къудей Чэрим.

1922 гъэм къалъхуащ Совет Союзым и ЛIыхъужь Къуэш Алий.

1958 гъэм къалъхуащ урысей актёр, УФ-м и цIыхубэ артист Гармаш Сергей.

1970 гъэм къалъхуащ къэрал къулыкъущIэ, Краснодар щIыналъэм и губернатор Кондратьев Вениамин.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 30 - 31-рэ, жэщым градус 20 - 21-рэ щыхъунущ.

Лъэпкъ Iущыгъэ:

Уи лIыгъэ къимыхьар уи насып къремыхь.